Vice-premjer Pietryšenka: Jość 280 administracyjnych spraŭ ab udziele niepaŭnaletnich u niesankcyjanavanych mitynhach
Pra heta paviedamiŭ siońnia namieśnik premjer-ministra Ihar Pietryšenka na pasiadžeńni Nacyjanalnaj kamisii pa pravach dziciaci, pieradaje BIEŁTA.
«Na razhladzie kala 280 administracyjnych spraŭ pa parušeńni niepaŭnaletnimi praviłaŭ pavodzin i ŭdziełu ŭ niesankcyjanavanych mitynhach. Adpaviedna, ich zakonnyja pradstaŭniki zaprašajucca na kamisii pa spravach niepaŭnaletnich i prymajucca adpaviednyja miery», — adznačyŭ Ihar Pietryšenka.
Pavodle jaho słoŭ, jość videafiksacyja taho, što kala 20 baćkoŭ śviadoma pryviali na niesankcyjanavanyja akcyi 25 dziaciej.
«Kožnamu faktu budzie dadzienaja pravavaja acenka, i nivodny tak zvany baćka, jaki padviarhaje svajo dzicia niebiaśpiecy, nie sydzie ad praduhledžanaj zakanadaŭstvam adkaznaści», — dadaŭ vice-premjer.
Jon vykazaŭ ździŭleńnie, što ŭ Hrodnie ŭ niesankcyjanavanym mierapryjemstvie ŭdzielničała ciažarnaja žančyna. «Dziaržava pradastaŭlaje dekretny adpačynak, što apłačvajecca, nie dla taho, kab budučyja mamy naviedvali padobnyja mierapryjemstvy, a zatym, kab jany mahli kłapacicca pra svajo zdaroŭje i zdaroŭje svaich dziaciej, zajmacca ich vychavańniem i raźvićciom», — skazaŭ Ihar Pietryšenka.
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary