Premjer Hałoŭčanka: Va ŭmovach biesprecedentnaha cisku Zachadu dla Biełarusi važnaja padtrymka Rasii
Biełarusi važnaja padtrymka Rasii va ŭmovach biesprecedentnaha vonkavaha cisku z boku Zachadu paśla prezidenckich vybaraŭ, zajaviŭ premjer-ministr Raman Hałoŭčanka na sustrečy z hubiernataram Leninhradskaj vobłaści Rasii Alaksandram Draździenkam u Minsku ŭ piatnicu, piša Interfaks.
«Paśla daty vybaraŭ prezidenta my sutykalisia ź biesprecedentnym ciskam na našu respubliku z boku Zachadu. Nie spyniajucca da hetaha času, chaj užo vastrynia ścichła, sproby ŭmiašańnia ŭ našy spravy z metaj razhojdvańnia situacyi i praciskańnia patrebnaha dla kahości vyniku, što absalutna nie adpaviadaje vybaru naroda, jaki jaho zrabiŭ», — skazaŭ Hałoŭčanka.
Jon adznačyŭ, što Rasii, u pryncypie, znajomaja takaja linija pavodzin (u adnosinach da jaje).
«Dla nas u hety momant, viadoma, vielmi važnaja siabroŭskaja padtrymka, jakuju my bačym z boku našaha najbližejšaha chaŭruśnika - Rasijskaj Fiederacyi. I heta vysoka cenim», — padkreśliŭ premjer-ministr.
Hałoŭčanka źviarnuŭ uvahu, što peŭnaja palityčnaja «turbulentnaść» supała ź intensifikacyjaj kantaktaŭ Biełarusi i Rasii na ŭsich uzroŭniach. Jon nahadaŭ, što padčas sustrečy ŭ Sočy prezidenty dźviuch krain vykazali «absalutna salidarnaje mierkavańnie ab nieabchodnaści intensifikacyi kantaktaŭ na ŭzroŭni rehijonaŭ i kankretnych subjektaŭ haspadarańnia». «Tamu my vaš pryjezd u kantekście hetaha daručeńnia razhladajem», — zaŭvažyŭ premjer-ministr.
Ciapier čytajuć
Kola Łukašenka siadzić pobač z baćkam i Pucinym na Krasnaj płoščy7
Kamientary