Stasunki RF i Biełarusi raźvivajucca kanstruktyŭna, abmiarkoŭvajucca pastaŭki enierharesursaŭ na 2021 hod i siarednieterminovuju pierśpiektyvu, paviedamiŭ ministr enierhietyki RF Novak, piša ria.ru.
Pavodle jaho, abjom pierakidańnia biełaruskich naftapłyń z partoŭ Litvy ŭ RF moža skłaści 4-6 młn t, Maskva spadziajecca na dasiahnieńnie damoŭlenaściaŭ ź Minskam u najbližejšy čas.
Raniej kazałasia pra mahčymaść pierakidańnia pieravałki naftapraduktaŭ ź Litvy ŭ rasijskija porty, u pryvatnaści, va Uść-Łuhu (Lenihradskaja vobłaść), heta abmiarkoŭvałasia na pieramovach premjeraŭ RF i Biełarusi.
Jašče raniej Alaksandr Łukašenka zajaviŭ, što ŭ jakaści mier u adkaz na sankcyi bałtyjskich krain Biełaruś pierastanie karystacca ich portami dla pieravałki svaich ekspartnych hruzaŭ (u asnoŭnym, kalijnyja ŭhnajeńni i naftapradukty). Asnoŭny abjom transpartavanych marskim šlacham biełaruskich hruzaŭ prachodzić u Kłajpiedskim porcie Litvy.
U minułuju piatnicu Alaksandr Łukašenka prapanavaŭ na sustrečy z hubiernataram vobłaści pabudavać sumiesny marski port.
