U asnovie samazvała 65012J ruchavik kitajskaj Weichai Power, ź jakoj MAZ zapuściŭ zboračnuju vytvorčaść matoraŭ ŭ parku «Vialiki kamień». Mahutnaść — 400 konskich sił.
Zierniavoz atrymaŭ palehčanuju kanstrukcyju. Pry poŭnaj masie ŭ 25 ton aŭtamabil biare ŭ koŭš da 12,7 t — na 0,7 t bolš za inšych samazvałaŭ. Heta dazvalaje źnizić udzielny košt pieravozak i pavysić ich efiektyŭnaść: praściej kažučy, ździajśniać mienš rejsaŭ i ekanomić paliva.
MAZ taksama pradstaviŭ na vystavie samazvał 6501C9. I choć stvarali jaho dla pieravozki sypkich i budaŭničych hruzaŭ, jon vydatna spraŭlajecca z dastaŭkaj sielhaspradukcyi.
Usiaho ž Minski aŭtazavod pradstaviŭ na 30-j vystavie «Biełahra» kala 10 adzinak techniki, u tym liku aŭtamabil-multylift MAZ-6950S5-110400. Jon pryznačany dla pahruzki i vyhruzki śpiecyjalnych źmiennych kuzavaŭ, kantejnieraŭ, płatformaŭ i inšych pryład. Kuzaŭ mieścić 34 «kubamietry». Praduhledžany miechanizm źmieny kuzava vytvorčaści Palfinger.
