Мінскі аўтазавод прадставіў зернявоз з падвышанай грузападымальнасцю, які можа перавозіць да 12,7 т ураджаю, што перавышае магчымасці аналагічных мадэляў.
У аснове самазвала 65012J рухавік кітайскай Weichai Power, з якой МАЗ запусціў зборачную вытворчасць матораў ў парку «Вялікі камень». Магутнасць — 400 конскіх сіл.
Зернявоз атрымаў палегчаную канструкцыю. Пры поўнай масе ў 25 тон аўтамабіль бярэ ў коўш да 12,7 т — на 0,7 т больш за іншых самазвалаў. Гэта дазваляе знізіць удзельны кошт перавозак і павысіць іх эфектыўнасць: прасцей кажучы, здзяйсняць менш рэйсаў і эканоміць паліва.
МАЗ таксама прадставіў на выставе самазвал 6501C9. І хоць стваралі яго для перавозкі сыпкіх і будаўнічых грузаў, ён выдатна спраўляецца з дастаўкай сельгаспрадукцыі.
Усяго ж Мінскі аўтазавод прадставіў на 30-й выставе «Белагра» каля 10 адзінак тэхнікі, у тым ліку аўтамабіль-мультыліфт МАЗ-6950С5-110400. Ён прызначаны для пагрузкі і выгрузкі спецыяльных зменных кузаваў, кантэйнераў, платформаў і іншых прылад. Кузаў месціць 34 «кубаметры». Прадугледжаны механізм змены кузава вытворчасці Palfinger.
Цяпер чытаюць
Пасля выступлення Луганскага тэатра ў Мінску адна з глядачак выгукнула «Слава Украіне!»5
Каментары