U Varšavie pad ehidaj National Geographic vyjšaŭ turystyčny dapamožnik pra Biełaruś, układzieny anhielskim padarožnikam, ilustravany fotami Julii Daraškievič. Hetak choraša, až chočacca pajechać da samoha siabie ŭ hości.
U Varšavie pad ehidaj National Geographic vyjšaŭ turystyčny dapamožnik pra Biełaruś, układzieny anhielskim padarožnikam, ilustravany fotami Julii Daraškievič. Hetak choraša, až chočacca pajechać da samoha siabie ŭ hości.
Pieršyja dva raździeły — ahulnaja infarmacyja pra Biełaruś: historyja, kultura, hałoŭnyja biełaruskija słavutaści, daviedka pra šlachi złučeńnia i h.d. Potym pa raździele na kožny z šaści abłasnych haradoŭ: transpart, miescy adpačynku, dzie i jak smačna i tanna pajeści. Krytyčnaja acenka asnoŭnych biełaruskich hatelaŭ, nie zabyŭšy pra vyhodnyja baki. Akramia taho, architekturnyja słavutaści pa-za miežami vialikich haradoŭ (Mir, Niaśviž, Połack). Pryhadanyja i atrakcyi, stvoranyja niadaŭna: Dudutki i «Linija Stalina».
NN užo pisała pra aŭtara turystyčnych natatkaŭ pra Nioman pa-niamiecku Uve Rada. Na jaho dumku za ciapierašnim śvietam na jeŭrapiejskim knižnym rynku možna zaŭvažyć takuju tendencyju: čytačy-padarožniki bolš nie chočuć adno suchich turysckich źviestak. Ciapier aŭtary na patrebu spažyŭca musiać ŭzbahacić dapamožniki litaraturnymi, całkam subjektyŭnymi, zamaloŭkami i cikavostkami.
Aŭtar turystyčnaha dapamožnika National Geographic pra Biełaruś, Najdžeł Robierts, pajšoŭ tym ža šlacham: spałučyŭ karysnuju infarmacyju (dzie spynicca na noč, kurs miascovych valutaŭ i h.d.) z aŭtarskimi natatkami «Šatanski napoj» (zaciemy pra biełaruskuju harełku) i «Mark Šahał» (iranična-bijahrafičnyja razvahi, ci ž Viciebsk — druhi Paryž, ci to naadvarot, Paryž usio ž druhi Viciebsk).
Z turystyčnaha dapamožnika atrymałasia sama pa sabie zachaplalnaja ekskursija pa Biełarusi, a efiekt padabienstva da turystyčnaj vypravy ŭzmacniŭsia dziakujučy fotakarespandentcy NN Julii Daraškievič. Kniha całkam azdoblenaja jojnymi zdymkami. Niekatoryja pamyłki aŭtara — siarednieviečnaja Litva ŭparta nazyvajecca susiedkaj sieradniaviečnaj Biełarusi — nijak nie zaminajuć pačućciu, što naradziłasia paśla pračytańnia-vyvučeńnia hetaha dapamožnika: chočacca pajechać da samoha siabie ŭ hości.
Nigel Roberts. Białoruś. Przewodnik turystyczny National Geografic. Warszawa: G+J RBA, 2008. 246pp.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj92
Kamientary