Sabalenka na zaklik nie maŭčać ab situacyi ŭ Biełarusi: «Para b užo parazumnieć. Nu ničoha, i takich ziamla nosić, na žal»
11 kastryčnika biełaruskaja tenisistka Aryna Sabalenka apublikavała post u Instagram, u jakim adznačyła, što nie pryvykła da siabie z makijažam, piša «Trybuna».
«Časam patrebien makijaž i spartyŭny kaścium pakinuć u šafie. I tak cikava kožny raz razhladać siabie, kali vypadaje nahoda. Voś i razhladaju z ranicy», — napisała tenisistka. Paźniej akazałasia, što Sabalenka naviedała matč minskaha «Dynama» ŭ KCHŁ, dzie była ŭ džersi kłuba.
Adzin z karystalnikaŭ adkazaŭ na post: «Soramna, Aryna, za ciabie. Nie ŭsio ŭ śviecie vymiarajecca hrašyma. Jość momanty, kali takija, jak ty, nie pavinny maŭčać, a nie kaśmietyku abmiarkoŭvać».
Sabalenka adkazała: «Soramna za vas! U vašym uzroście para ŭžo parazumnieć. Nu ničoha, i takich ziamla nosić. Na žal».
Jašče adzin karystalnik paśla hetaha napisaŭ: «Hańba. Schadzi ŭ hetym džersi na Akreścina. Sapraŭdy, i takich ziamla nosić. Spadziajusia, karma isnuje».
«Viadoma, isnuje, tamu ty — nichto», — u adkaz napisała Sabalenka.
Paśla pikiroŭki karystalnik zajaviŭ, što taksama pahladzić matč «Dynama», na što Sabalenka adreahavała: «Pravilna, pahladzicie, jak ludzi pracujuć».
U žniŭni Aryna Sabalenka asudziła razhon mirnych pratestaŭ.
«Ja nie mahu pavieryć, što ŭsio heta adbyvajecca ŭ majoj mirnaj rodnaj Biełarusi, pisała 13 žniŭnia ŭ svaim instahramie najlepšaja biełaruskaja tenisistka, 11-ja rakietka śvietu. — Ja nie mahu spać užo čaćviortuju noč. Ja nie mahu hladzieć na žorstkaść u adnosinach da biezabaronnych ludziej. Navošta? Kali łaska, spynicie hvałt!!! Bieražycie siabie i svaich blizkich, maje darahija biełarusy».
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary