Biełaruś śviatkuje 64-ju hadavinu pieramohi nad fašysckaj Hiermanijaj.
Aficyjnyja śviatočnyja mierapryjemstvy z nahody Dnia Pieramohi projduć siońnia va ŭsich haradach krainy.
U Minsku z 12.00 da 13.30 z udziełam prezidenta adbudziecca šeście vieteranaŭ, pradstaŭnikoŭ orhanaŭ dziaržkiravańnia, hramadskich arhanizacyj i pracoŭnych kalektyvaŭ.U im płanujecca ŭdzieł kala 5,5 tysiačy čałaviek. Kałona ŭdzielnikaŭ šeścia projdzie pa praśpiekcie Niezaležnaści ad Kastryčnickaj płoščy da płoščy Pieramohi, dzie adbudziecca ŭskładańnie viankoŭ.
Śviatočnyja mierapryjemstvy buduć arhanizavanyja na 15 kancertnych placoŭkach stalicy.
Hałoŭnyja — u parku imia Horkaha, kala Pałaca sportu i kala Pałacu kultury čyhunačnikaŭ.
Salut u honar Dnia Pieramohi budzie dadzieny ŭ šaści miescach:
na plažy ŭ parku 50-hodździa Pieramohi; na pustcy ŭ rajonie vulicy Kuncaŭščyna; na pustcy pamiž vulicami Hareckaha i Panamarenki; na nabiarežnaj Čyžoŭskaha vadaschovišča ŭ parku imia 900-hodździa Minska; na pustcy ŭ rajonie Doma miłasernaści ŭ mikrarajonie Uschod; u vajennym haradku Uručča.
Jak zajavili napiaredadni pradstaŭniki Minharvykankama, u horadzie buduć uviedzienyja pavyšanyja miery biaśpieki.
Usie udzielniki i hości šeścia musiać prajści praź mietaładetektary, a ŭ miescach praviadzieńnia masavych mierapryjemstvaŭ i ŭ radyusie 500 mietraŭ ad ich zabaronieny prodaž ałkaholu.
Pavodle infarmacyi Ministerstva pracy i sacyjalnaj abarony, na 1 krasavika 2009 hoda ŭ Biełarusi pražyvała 49 tysiač 120 vieteranaŭ Druhoj suśvietnaj vajny i bolš za 47 tysiač viaźniaŭ fašysckich kancłahieraŭ.
