U BDUIR pieršyja zvalnieńni. Krynica ŭ VNU paviedamiła dev.by, što dekan Fakulteta kampjutarnych sistem i sietak (FKSiC) Maryna Łukaševič admoviłasia padpisvać zahad ab adličeńni studentaŭ svajho fakulteta i napisała zajavu pa ŭłasnym žadańni.
U čacie FKSiS učora i siońnia — dziasiatki «Dziakuj!» Marynie Michajłaŭnie ad studentaŭ za «śmieły i pryncypovy ŭčynak». Naša krynica kaža, što jana nie padpisała zahad ab adličeńni paradku 30 studentaŭ (za dakładnaść ličby krynica, praŭda, nie ručajecca). Śpisy pryjšli z RUUS.
Maryna Łukaševič napisała zajavu na zvalnieńnie pa ŭłasnym žadańni z 1 listapada. Dalej jaje abaviazki budzie časova vykonvać namieśnik dekana Uładzimir Haravy.
Krynica taksama raspaviała, što zvolniŭsia z VNU kandydat techničnych navuk, dacent Valeryj Prytkoŭ. Pavodle jaho słoŭ, kiraŭnictva BDUIR paviedamiła vykładčyku, «viadomamu svajoj pazicyjaj», što nie padoŭžyć jamu kantrakt, — i 26 kastryčnika toj napisaŭ zajavu. Valeryj Alaksandravič napisaŭ dev.by, što nie hatovy abmiarkoŭvać hetuju temu i paprasiŭ pakinuć jaje bieź jaho kamientaroŭ. Z Marynaj Michajłaŭnaj pakul źviazacca nie ŭdałosia.
Kamientary