Łukašenka pa-novamu vykazaŭsia nakont zaprašeńnia Papy ŭ Biełaruś
Pra heta jon zajaviŭ na sustrečy ź mitrapalitam BPC, Patryjaršym ekzarcham usioj Biełarusi Vienijaninam, piša BiełTA.
«Vielmi šmat razmoŭ z nahody vizitu Papy: zaprašeńnie i hetak dalej. Ja chaču, kab vy viedali maju pazicyju, i hramadstva pavinna heta pačuć. Papa Rymski — kiraŭnik dziaržavy i carkvy, tamu zaprašeńnie, kali jano paśleduje ź Biełarusi,
pavinna być ad kiraŭnika dziaržavy i Pravasłaŭnaj carkvy, ź jakoj u katalikoŭ jość masa prablem», — adznačyŭ Alaksandr Łukašenka.
Kiraŭnik dziaržavy zajaviŭ, što jon nie choča «apynucca pamiž mołatam i kavadłam i stvaryć niejkija niazručnaści». Pavodle jaho słoŭ, jon abmiarkoŭvaŭ hetaje pytańnie z Papam Rymskim, i kiraŭnik Katalickaj carkvy pastaviŭsia da jaho z razumieńniem.
«Tamu ŭsiakija insinuacyi, razmovy, što, voś, ledź nie inkohnita pryjedzie Papa Rymski, tut źbiarecca natoŭp z usioj Jeŭropy… Naturalna, pryjeduć kataliki z usioj Jeŭropy, i sto, i dźvieście tysiač, — heta fakt.
Ale padstaŭlać Papu pad hetyja prablemy, dzie dziaržava zaprašaje, a pravasłaŭnaja carkva, hałoŭnaja naša kanfiesija, i naš patryjarch budzie nie zhodny, my na heta nikoli nie pojdziem. My raskolnikami nie byli i nie budziem, — padkreśliŭ Łukašenka.
— Ja nie suprać, kab i Papa, nie kažučy ŭžo pra našaha Patryjarcha i hetak dalej, pryjazdžali da nas siudy. Ale pavinna być ahulnaja zhoda na heta. Heta nie pavinna nanieści niepapraŭny raskoł. Tamu nie treba nakont hetaha vieści niejkija niezrazumiełyja razmovy i ŭ palityčnaj hulni razyhryvać hetuju kartu. Heta nieprymalna».
Raniej ton zajaŭ Alaksandra Łukašenki nakont vizitu Papy byŭ inšym.
Papy nie raz pryjazdžali ŭ Litvu, Ukrainu, Polšču, Hruziju, Łatviju, inšyja krainy Jeŭropy, ale nikoli nie byli ŭ Biełarusi.
Ciapier čytajuć
Na pieradśmiarotnym videa z kałonii nasamreč byŭ nie Vitold Ašurak. Źjavilisia novyja padrabiaznaści śmierci palitviaźnia6
Kamientary