BiełTA
Siońnia Alaksandr Łukašenka pryniaŭ davierčyja hramaty ad pasłoŭ u tym liku ad apostalskaha nuncyja Ante Joziča, piša BiełTA.
«Pieradajcie Papu Rymskamu maje samyja dobryja pažadańni, ja biaskonca jaho pavažaju. Ja sustrakaŭsia ź jaho papiarednikami, ale heta najlepšy Papa Rymski», — padkreśliŭ Łukašenka.
Jon adznačyŭ: «Asablivyja adnosiny źviazvajuć Biełaruś i Vatykan. Na mižnarodnaj arenie my razam paśladoŭna prasoŭvajem takija važnyja inicyjatyvy, jak baraćba z handlem ludźmi, supraćdziejańnie hvałtu ŭ dačynieńni da dziaciej, abarona tradycyjnych siamiejnych kaštoŭnaściaŭ».
Alaksandr Łukašenka padkreśliŭ, što asablivaje miesca ŭ dvuchbakovym paradku zajmajuć pytańni mižkanfiesijnaha miru.
«Raźličvajem na kansalidujučuju i kanstruktyŭnuju rolu katalickaj carkvy ŭ biełaruskim hramadstvie», — skazaŭ Łukašenka.
Jon taksama paćvierdziŭ zacikaŭlenaść Biełarusi ŭ dalejšym pahłybleńni ŭzajemadziejańnia sa Śviatym Pasadam.
Napiaredadni na sustrečy z kiraŭnikom BPC Vienijaminam, Łukašenka zajaviŭ, što kiraŭnik biełaruskich katolikaŭ Tadevuš Kandrusievič jeździŭ u Polšču i atrymlivaŭ kansultacyi, «jak razburać krainu». Nahadajem, što Tadevuša Kandrusieviča nie puścili 31 žniŭnia nazad u Biełaruś pamiežniki, kali jon viartaŭsia nazad z Polščy.