Siońnia prezident niepryznanaj Abchazii Siarhiej Bahapš pryniaŭ biełaruskuju delehacyju, u składzie jakoj znachodziacca kiraŭnik Administracyi prezidenta Uładzimir Makiej, pieršy namieśnik kiraŭnika spraŭ prezidenta Mikałaj Korbut i druhija aficyjnyja asoby.
Jak paviedamiŭ sajtu prezidenta Abchazii aficyjny pradstaŭnik Siarhieja Bahapša ŭ ŚMI Kryścian Bžanija, padčas sustrečy abmmiarkoŭvalisia pytańni supracoŭnictva ŭ roznych śfierach.
Biełaruskaja delehacyja budzie znachodzicca ŭ niepryznanaj absalutnaj bolšaściu krain respublicy dva dni.
***
Chartyja'97 nahadvaje, što 23 lutaha kiraŭnik MZS Čechii, jakaja staršyniavała na toj čas u Jeŭrasajuzie, Kareł Švarcenbierh na pasiedžańni Rady JEZ zajaviŭ, što pryznańnie Biełaruśsiu niezaležnaści Paŭdniovaj Asiecii i Abchazii pastavić Miensk «pa‑za jeŭrapiejskim kantekstam» i ŭskładnić mahčymy ŭdzieł hetaj dziaržavy ŭ prahramie «Uschodniaje partniorstva».
Hetaja pazicyja kiraŭnictva JEZ była paćvierdžanaja viarchoŭnym pradstaŭnikom JeC pa zamiežnaj alitycy i biaśpiecy ES Chaŭjeram Sałanam, pres‑sakratar jakoha zajaviła, što palityka Jeŭraźviaza, abumoŭlenaja vieraj u terytaryjalnuju cełasnaść Hruzii, zaklučajecca ŭ niepryznańni Paŭdniovaj Asiecii i Abchazii ŭ jakaści subjektaŭ mižnarodnaha prava.
ZŠA ž ŭ sakaviku vykazali padtrymku dziejańniaŭ Biełarusi, jakaja adkładvaje pryznańnie Abchazii i Paŭdniovaj Asiecii.
