Pra heta zajaviŭ namieśnik ministra kultury Uładzimir Hrydziuška, kamientujučy infarmacyju ŭ ŚMI, što rychtujucca dakumienty na ŭklučeńnie pomnika Leninu ŭ śpis historyka‑kulturnaj spadčyny UNESCO. Zajava była zroblena padčas onłajn‑kanfierencyi, što prajšła na sajcie BIEŁTA.
***
Niapraŭda. Upieršyniu čuju pra heta.
Bolš za toje, ja źjaŭlajusia i staršyniom navukova‑mietadyčnaj rady pa achovie historyka‑ kulturnaj spadčyny, a i kali b było niešta takoje, to tolki cieraz radu.
U dadzienym vypadku my razhladajem pomnik nie jak asobnuju historyka‑kulturnuju kaštoŭnaść, a ŭ kompleksie z Domam Uradu, jaki ŭklučany ŭ Dziaržaŭny śpis historyka‑kulturnych kaštoŭnaściej.
Nikoli my nie abmiarkoŭvali pytańnie pra toje, kab nadać jamu pieršuju katehoryju i naminavać na ŭklučeńnie ŭ Śpis UNESCO.
Mahčyma, heta krychu niapravilnaja interpretacyja inšaha faktu: u nas u liku dziesiaci abjektaŭ, naminavanych na ŭklučeńnie ŭ Śpis Suśvietnaj historyka‑kulturnaj spadčyny UNESCO jak pomnik jość praśpiekt Niezaležnaści. Heta inšaja reč: ansambl pačynajecca ad Płoščy Niezaležnaści i skančajecca vulicaj Kazłova.
