Nacyjanalnamu banku dadziena prava ŭstanaŭlivać dla jurydyčnych asob i indyvidualnych pradprymalnikaŭ, rezidentaŭ Biełarusi, pamier abaviazkovaha prodažu zamiežnaj valuty na ŭnutranym valutnym rynku krainy (u pracentach ad sumy vyručki ŭ zamiežnaj valucie). Adpaviednaje rašeńnie źmiaščajecca va ŭkazie Prezidenta numar 240 «Ab niekatorych pytańniach u śfiery valutnaha rehulavańnia», paviedamili BIEŁTA u pres-słužbie kiraŭnika dziaržavy.
Rašeńnie matyvujecca patrebaj «zabieśpiačeńnia harantavanaha abjomu prapanavańnia zamiežnaj valuty i zachavańnia zołatavalutnych reziervaŭ krainy».
Varta nahadać, što ŭ krasaviku reziervy ŭpali na 10% za adzin miesiac. Heta vyklikana tym, što ekspart tavaraŭ i pasłuh Biełaruśsiu pad vosień minułaha hodu skaraciŭsia prykładna na 40% i zastajecca na takim uzroŭni ŭžo bolš za paŭhodu.