praciahvaje nabor studentaŭ na bakałaŭrskuju prahramu «Historyja Biełarusi i kulturnaja antrapałohija» Jeŭrapiejskaha humanitarnaha univiersitetu.
Navučańnie ŭ EHU heta:
— avałodańnie dźviuma jeŭrapiejskimi movami,
— fundamientalnaja padrychtoŭka ŭ halinie humanitarnych i sacyjalnych navuk,
— hruntoŭnyja viedy pa biełaruskaj, jeŭrapiejskaj i suśvietnaj historyi, archieałohii, etnałohii, kulturnaj antrapałohii, historyi mastactva,
— mahčymaść vučycca ŭ «Kryvickaj Mecy» — u Vilni,
— atrymańnie dypłoma litoŭskaha dziaržaŭnaha ŭzoru, jaki pryznajecca ŭ Jeŭropie.
Bakałaŭrskaja prahrama «Historyja Biełarusi i kulturnaja antrapałohija» Jeŭrapiejskaha humanitarnaha univiersitetu (Vilnia) była raspracavana z ulikam patrabavańniaŭ, jakija pradjaŭlajucca da vypusknikoŭ histaryčnych fakultetaŭ univiersitetaŭ Jeŭropy.
Jana daje hruntoŭnyja viedy pa historyi Biełarusi i Jeŭropy, a taksama ŭ halinie sacyjalnaj, kulturnaj i histaryčnaj antrapałohii i inšych humanitarnych dyscyplin.
U prahramie zaniaty viadomyja biełaruskija historyki, jakija paśpiachova spałučajuć vykładańnie i navukovuju dziejnaść. Heta stvaraje redkuju mahčymaść vyvučać historyju ŭ daśledčykaŭ, jakija jaje pišuć. Akramia taho, studenty znajomiacca z takim varyjantam historyi, dzie ŭ centry ŭvahi znachodzicca ČAŁAVIEK ź jaho pośpiechami i rasčaravańniami, radaściami i niahodami. Vykładańnie viadziecca pieravažna pa‑biełarusku, na starejšych kursach taksama i pa‑anhielsku, pa‑francuzsku ci pa‑niejamiecku. Aproč hetaha prapanujecca asobny kurs litoŭskaj movy i kultury.
Siarod vykładčykaŭ takija viadomyja asoby jak Zachar Šybieka, Hienadź Sahanovič, Aleś Smalančuk, Ihar Babkoŭ, Siarhiej Chareŭski i inšyja.
Vypuskniki prahramy zmohuć pracavać navukovymi supracoŭnikami muziejaŭ, ekskursavodami, vykładčykami histaryčnych dyscyplin, vystupać u jakaści ekśpiertaŭ pa prablemach histaryčnaj spadčyny, pravodzić samastojnyja daśledavańni ŭ vobłaści histaryčnaj navuki abo praciahnuć navučańnie ŭ mahistratury.
Prahrama prapanujecca jak u dzionnym, tak i ŭ zavočnym farmacie.
Navučańnie i pražyvańnie ŭ internacie — płatnaje. Padrabiaznuju infarmacyju ab umovach pastupleńnia i navučańnia možna znajści na sajcie EHU.
