Supracoŭniki pres-słužby milicyi praciahvajuć pravodzić «vychavaŭčyja» dopyty-intervju z zatrymanymi demanstrantami. Aryštanty, jakija znachodziacca ŭ niavoli, čaściakom na stresie ahavorvajuć siabie, sprabujučy atrymać minimalnaje pakarańnie. Niekatoryja naadvarot, sprabujuć žartavać.
Adnym z zatrymanych 15 listapada staŭ 29-hadovy Aleś Hniaŭko. Internet pamiataje, što hetaha chłopca zatrymlivali jašče ŭ 2007 hodzie — ź bieł-čyrvona-biełym ściaham u Kurapatach.
Ciapier ža Hniaŭko advieźli ŭ Centralnaje RUUS, dzie jaho dapytvała žurnalistka «Sovietskoj Biełoruśsii» Ludmiła Hładkaja. Pravakacyjnyja pytańni datyčylisia dyjałohavych placovak, pratestaŭ i budučyni Biełarusi.
***
— Što vy tam rabili?
— Hulaŭ.
— A pieršy raz tam hulajecie?
— Dy nie.
— A viedali, što tam buduć adbyvacca pratesty?
— Zdahadvaŭsia.
— Što vam dapamahło zdahadacca?
— Naviny.
— Dzie?
— U internecie.
— A što vy čytajecie?
— Usio.
***
— Jak vy adnosiciesia da pratestaŭ?
— Dy narmalna. Va ŭsim śviecie pratestujuć.
— A za što pratestujuć u Biełarusi?
— Tut, chutčej, suprać, a nie za što.
— Dyk suprać čaho?
— Suprać dyktatury. Usio.
***
— Jak vy staviciesia da błakiroŭki daroh?
— Błakiroŭki DPS praśpiektaŭ?
— Nie, kali pratestujučyja ludzi vychodziać na darohu i nie dajuć prajechać ni hramadskamu transpartu, nie asabistamu.
— Pratestujučyja vychodziać na darohu? Kali heta abhruntavana, to čamu nie? Kali nie abhruntavana i ŭ hetym niama nijakaha sensu, to niehatyŭna.
I ŭsio heta supravadžajecca niepieradavalna bahataj mimikaj Alesia Hniaŭko.
***
Z Centralnaha RUUSa chłopca pieraviali ŭ Žodzina. Što jamu inkryminujecca, nieviadoma. Baćki Alesia Hniaŭko daviedalisia pra zatrymańnie syna tolki ź infarmacyi ŭ telehram-kanale «Našaj Nivy».
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)