Cana na rasijski haz, jaki pastaŭlajecca ŭ Biełaruś, u 2021 hodzie nie pavinna pieravysić pakazčyki biahučaha hoda. Pra heta zajaviŭ u paniadziełak staršynia kalehii Jeŭrazijskaj ekanamičnaj kamisii (JEEK) Michaił Miaśnikovič u efiry telekanała «Biełaruś-1».
«Jość instrumienty, jakija dazvalajuć zbližać pazicyi, kab ceny byli roŭnadachodnymi, asabliva što tyčycca taryfu na prapampoŭku hazu, to-bok pa terytoryi Rasijskaj Fiederacyi, pakul haz dojdzie da Biełarusi», — dadaŭ kiraŭnik JEEK.
Cana rasijskaha hazu ŭ 2020 hodzie dla Biełarusi składaje $127 za 1 tys. kubamietraŭ.
70% cany — heta vydatki na tranzit. Taryfy na pastaŭku hazu pa terytoryi RF u try razy mienšyja, čym pry pastaŭcy ŭ Biełaruś.
Łukašenka zaklikaŭ Rasiju zrabić canu «bolš adaptyŭnaj», ale Pucin padkreślivaŭ, što adziny taryf moža być «tolki na adzinym rynku z adzinym biudžetam i sistemaj padatkaabkładańnia».
