«Kaladny kirmaš» projdzie ŭ hetym hodzie na dźviuch placoŭkach: la Pałaca sportu i na Kastryčnickaj płoščy — z 18 śniežnia pa 14 studzienia, paviedamlajuć Minsk-naviny.
Na Kastryčnickaj płoščy ŭstalujuć 12 paviljonaŭ typu «soty», jany buduć raźmieščany ŭzdoŭž praśpiekta Niezaležnaści.
Nazvy paviljonaŭ nastupnyja: «Biełaruskija dalikatesy», «Šašłyčny dom», «Bulbaš», «Mara łasuna», «Kandytarskaja krama» i inš. Tam ža možna budzie nabyć jołačnyja cacki, suvieniry na navahodniuju tematyku. Kirmaš na hetaj placoŭcy budzie pracavać pa takim režymie: 18-23 śniežnia — z 12:00 da 20:00, 24-30 śniežnia — z 12:00 da 23:00, u navahodniuju noč — da 4:00, 2-14 studzienia — z 12:00 da 20:00.
La Pałaca sportu handal razhorniecca pa tradycyi ŭ 20 šale. Tut režym pracy nastupny: u budni — z 14:00 da 23:00, u vychadnyja dni — z 12:00 da 23:00, u navahodniuju noč — da 4:00.
Ciapier čytajuć
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu2
Kamientary