Urad prapanuje źnizić ahulnuju padatkovuju nahruzku jašče na 1,3% ad VUP. Źmieny ŭ padatkovaje zakanadaŭstva majuć być uniesienyja terminova, ad 1 červienia.
Urad prapanuje źnizić ahulnuju padatkovuju nahruzku jašče na 1,3% ad VUP. Źmieny ŭ padatkovaje zakanadaŭstva majuć być uniesienyja terminova, ad 1 červienia. Płanujecca admianić abarotny padatak, jaki adličvajecca ŭ fond padtrymki sielhasvytvorcaŭ, 5-adsotkavy miascovy zbor z prodažaŭ, 3% miascovaha zboru sa zvyšprybytku na raźvićcio rehijona i na 4% źmienšyć padatak na prybytak.
U jakaści kampiensacyi płanujecca pavialičyć staŭku padatku na dadadzienuju vartaść (PDV) z 18% da 22%, paviedamlaje «Interfaks».
Pra ŭsio heta na pasiedžańni Nacyjanalnaj rady pa pracoŭnych i sacyjalnych pytańniach — kansultacyjnaha orhanu z udziełam dyrektaratu — zajaviŭ pieršy vice-premjer Uładzimir Siamaška.
Jak miarkuje ekanamist Alaksandr Čubryk, admiena takoj kolkaści padatkaŭ varta aceńvać jak dastatkova surjozny krok: «Vyhladaje, što ŭrad usurjoz zadumaŭsia nad pytańniem pryciahnieńnia kapitału».
Padvyšeńnie PDV z 18% da 22% uzamien za skasavańnie inšych padatkaŭ padajecca apraŭdanym krokam,ličyć ekanamist.
«Letaś admiena niekatorych padatkaŭ prachodziła niezaŭvažna dla biudžetu, bo straty ad ich admieny z hakam kampiensavalisia zvyšprybytkami ad darahoj nafty», – kaža A.Čubryk.
Sioleta pastupleńni ŭ biudžet za košt padatkaŭ skaracilisia na 11% u paraŭnańni ź minułym hodam – z 51 da 40%, i takija straty treba niejak kampiensavać.
Akramia taho, dynamika PDV zaležyć ad impartu, jaki akurat ciapier pačaŭ skaračacca, adpaviedna pačali źmianšacca pastupleńni ad vypłaty padatkaŭ na dadadzienuju vartaść.
«Ceny na impartnyja tavary vyrastuć i jašče nie viadoma, jak na heta adreahuje biźnies, bo ŭ toj ža Rasiei PDV zachoŭvajecca na raniejšym uzroŭni» – miarkuje A. Čubryk.
Pa jaho słovach, inicyjatyva ŭradu chutčej za ŭsio budzie realizavanaja, bo nijakich abaviazalnictvaŭ pa ŭtrymańni staŭki PDV pierad MVF naša kraina nie maje.
Biełaruś na vačach pieratvarajecca ŭ krainu ź vielmi prarynkavym padatkovym zakanadaŭstvam. Nahadajem, što ad 1 studzienia byŭ uviedzieny adzin z najnižejšych ŭ Jeŭropie liniejny padachodny padatak — 12%.
Ciapier čytajuć
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ3
Kamientary