Fota z telehram-kanała Śviatłany Cichanoŭskaj
Śviatłana Cichanoŭskaja pryznačyła Valera Kavaleŭskaha pradstaŭnikom pa mižnarodnych spravach.
Kavaleŭski skončyŭ fakultet mižnarodnych adnosin BDU, biznes-škołu IPM i mahistraturu Džordžtaŭnskaha ŭniviersiteta (ZŠA).
U MZS Biełarusi zajmaŭsia adnosinami Biełarusi i ZŠA, pracavaŭ u pasolstvie ŭ Vašynhtonie.
U 2010-m jaho aryštoŭvali za padtrymku apazicyi.
Paśla hetaha jon vyjechaŭ u ZŠA, pracavaŭ u Suśvietnym banku. Kali ŭ Biełarusi pačalisia pratesty, jon viarnuŭsia na radzimu, jaho zatrymlivali na adnym z maršaŭ.
U jakaści pradstaŭnika pa mižnarodnych adnosinach Kavaleŭski budzie pracavać u tandemie z daradcam Cichanoŭskaj pa mižnarodnych adnosinach Franakam Viačorkam, paviedamlajecca na sajcie Cichanoŭskaj.
