Premjer-ministr Rasii Uładzimir Pucin ličyć niemetazhodnym vykarystoŭvać rasijskija kredytnyja resursy dla zakupki biełaruskaj sielskahaspadarčaj techniki.
Pra heta jon zajaviŭ 25 maja na pasiadžeńni prezidyuma ŭrada RF, paviedamlaje RIA Novosti.
"Našy kredytnyja resursy bolš metazhodna vykarystoŭvać dla zakupki ajčynnaj sielhastechniki", — zajaviŭ kiraŭnik rasijskaha ŭrada.
Pavodle jaho słoŭ, biełaruski bok prapanavaŭ Rasii kuplać u Biełarusi traktary z vykarystańniem kredytnych schiem.
"Pytańni, jakija zadajuć našy biełaruskija siabry, jany siońnia viadomyja, i jany tyčacca śfiery sielhasmašynabudavańnia. Jany prosiać pašyryć mahčymaści prodažu svajoj sielhastechniki na našym rynku", — zaznačyŭ premjer-ministr. Jon paprasiŭ ministra sielskaj haspadarki Alenu Skryńnik prakamientavać hetuju situacyju.
Kiraŭnik Minsielhasa sa svajho boku nahadała, što na terytoryi Rasii arhanizavana zborka traktaroŭ biełaruskaj vytvorčaści. "Arhanizavana zborka 11 tysiač traktaroŭ biełaruskaj vytvorčaści, jakija my atrymlivajem na terytoryju RF u vyhladzie traktarakamplektaŭ", — skazała ministr.
Pry hetym jana dadała, što kredytnyja resursy "dastatkova ciažka kantralavać" u sučasnych umovach, i nahadała, što na dziaržaŭnyja srodki pa lizinhu ŭžo vykupleny traktary, jakija dahetul nie zapatrabavanyja.
Jak paviedamlałasia raniej, premjer-ministr Biełarusi Siarhiej Sidorski na sustrečy 19 maja ź dziaržsakratarom Sajuznaj dziaržavy Paŭłam Baradzinym u Minsku vykazaŭ zaniepakojenaść abmiežavańniem pramych pastavak biełaruskaj techniki ŭ Rasiju.
"Raśsielhasbank" nie kredytuje biełaruskuju techniku, h.zn. faktyčna pastaŭki techniki pa pramych dahavorach abmiežavanyja. Ja dumaju, heta budzie pradmietam našych pieramoŭ. My ŭnieśli šerah prapanoŭ pa padtrymcy kredytavańnia jak u Biełarusi, hetak i ŭ Rasii", — skazaŭ premjer-ministr. Kiraŭnik biełaruskaha ŭrada padkreśliŭ, što Biełaruś "nie prymaje i nie ŭvodzić inšych abmiežavalnych mier, navat va ŭmovach finansavaha kryzisu, i robić usio, kab naš rynak byŭ maksimalna adkryty dla tavaraŭ z sumiežnych dziaržaŭ".
28 maja ŭ Minsku adbudziecca pasiadžeńnie sajuznaha Saŭmina, na jakim budzie abmierkavana 29 pytańniaŭ, u pryvatnaści pa realizacyi vytvorčych prahram, u tym liku pa nanatechnałohijach, supracoŭnictvie ŭ sielskahaspadarčaj śfiery, pastaŭkach pradukcyi. Budzie taksama razhledžany prajekt sajuznaha biudžetu na 2010 hod i inšyja pytańni miždziaržaŭnaha i mižuradavaha ŭzroŭniu.
