Prapahandyst z «Savieckaj Biełarusii» Andrej Mukavozčyk (sprava na fota) vyjhraŭ premiju «Załataja litara — 2020» ad Ministerstva infarmacyi jak najlepšy analityk. Uručeńnie adbyłosia siońnia. Hod tamu jaho ŭznaharodžvali toj samaj premijaj jak «najlepšaha ahladalnika».
Najlepšym reparcioram respublikanskich drukavanych ŚMI, infarmacyjnych ahienctvaŭ, sietkavych vydańniaŭ pryznana śpiecyjalny karespandent adździeła navin haziety «Respublika» Chryścina Hłuško.
Viadučy fotakarespandent BiełTA Ramil Nasibulin pieramoh u piersanalnaj naminacyi «Najlepšy fotakarespandent respublikanskich drukavanych ŚMI, infarmacyjnych ahienctvaŭ, sietkavych vydańniaŭ».
Ahladalnik adździeła palityčnaj infarmacyi «SB. Biełaruś siehodnia» Maksim Osipaŭ pieramoh u naminacyi «najlepšyja materyjały hramadska-palityčnaj tematyki», a ahladalnik adździeła sacyjalnaj palityki, adukacyi i kultury «Narodnaj haziety» Valancin Piepialajeŭ — «najlepšyja materyjały kulturnaj tematyki, a namieśnik redaktara adździeła moładzievaj palityki i sacyjalnych prablem «Znamia junosti» Viktoryja Krupiańkova — u naminacyi «najlepšyja materyjały moładzievaj, dziciača-junackaj tematyki».
Śpiecyjalny pryz «Za ŭniosak u žurnalistyku» atrymaŭ hałoŭny redaktar «Sielskaj haziety» Siarhiej Michovič. Jon skazaŭ, što da hetaj uznaharody išoŭ 41 hod i pryśviačaje jaje svajmu baćku, jaki daŭ pucioŭku ŭ prafiesiju.
Ciapier čytajuć
Prakurorski načalnik aburyŭsia nieabhruntavanymi zatrymańniami biełarusaŭ11
Kamientary