Roźničnyja ceny na harełku ŭ Biełarusi z 28 maja pavysiacca ŭ siarednim na 2,5 pracenta, paviedamili karespandentu BIEŁTA u pres‑słužbie Ministerstva ekanomiki.
Tak, zhodna z pastanovaj Minekanomiki numar 90, praduhledžvajecca pavieličeńnie ŭ siarednim na 2,5 pracenta fiksavanych roźničnych cen na vodku ŭ standartnaj šmatabarotnaj šklanoj tary i minimalnych adpusknych cen na inšyja vidy ałkaholnaj pradukcyi macunkam zvyš 28 hradusaŭ.
Novaja prejskurantnaja roźničnaja cana na najbolš masavyja vidy vodki: «Akvadziŭ», «Biełaja Ruś siarebranaja», «Biarozavaja», «Aficer» i inš. — składzie Br6910 za butelku 0,5 ł biez koštu posudu.
Dahavornyja załohavyja ceny na šmatabarotnuju šklanuju taru dla raźlivu vodki, jakija dadatkova ŭklučajucca ŭ kančatkovuju roźničnuju canu vodki, u zaležnaści ad typaŭ butelek i ich afarmleńnia, pradpryjemstvaŭ‑vytvorcaŭ u asnoŭnym składajuć ad Br240 da Br320 za butelku.
Jak rastłumačyli ŭ Ministerstvie ekanomiki, rašeńnie ab pavyšeńni cen pryniata ŭ metach kampiensacyi pavieličeńnia stavak akcyzaŭ na vodku i inšuju ałkaholnuju pradukcyju, padaražeńnia zatrat na ich vytvorčaść i ŭličvaje prapanovy kancerna «Biełdziaržcharčpram».
Papiaredniaje pavieličeńnie roźničnych cen na vodku ŭ respublicy było 2 krasavika hetaha hoda — tady jany pavysilisia ŭ siarednim na 5 pracentaŭ.
