Pra heta jon zajaviŭ siońnia na naradzie pa pytańniach raspracoŭki supraćvirusnych vakcyn i łakalizacyi vytvorčaści zamiežnych vakcyn, piša BiełTA.
Pavodle słoŭ Łukašenki, kab pravieści maštabnuju vakcynacyju ad COVID-19, Biełaruś moža pajści dvuma šlachami.
Pieršy zaklučajecca ŭ raspracoŭcy ŭłasnych vakcyn. «Jość navukoŭcy, jość napracoŭki, jość škoła — treba hetym zajmacca. Na što vyjdziem, ja vas chaču siońnia pasłuchać, kab darma nie tracić hrošy. Tamu ułasnymi biełaruskimi vakcynami budziem zajmacca», - padkreśliŭ jon.
Łukašenka adznačyŭ, što vytvorčaść imunałahičnych preparataŭ takoha ŭzroŭniu — absalutna novaja dla Biełarusi zadača. «Jość peŭny patencyjał i ŭ Ministerstvie achovy zdaroŭja, i ŭ Akademii navuk. Jak mnie dakładvajuć, na vyrašeńnie hetaj zadačy ŭžo nacelenyja viadučyja supracoŭniki i navukoŭcy ŭ śfierach virusałohii, imunałohii, hienietyki, kletačnaj inžynieryi», - raspavioŭ jon.
Druhi padychod zaklučajecca ŭ łakalizacyi vytvorčaści zamiežnych raspracovak. Alaksandr Łukašenka pacikaviŭsia, jakija ŭžo vyvučanyja i prapracavanyja abstaviny — terminy, abjomy, krynicy finansavańnia i pierśpiektyŭnyja mahčymaści, a taksama na jakim etapie sumiesny prajekt chołdynhu «Biełfarmpram» i Rasijskaha nacyjanalnaha daśledčaha centra imia Hamalei.
«Niezaležna ad taho, ci vyjdziem my na vytvorčaść vakcyny ŭ razumnyja terminy, ci nie, chaču, kab hramadstva viedała: kraina budzie zabiaśpiečanaja vakcynaj, i kožny achvotny zmoža mieć da jaje svabodny dostup», - zajaviŭ Łukašenka.
***
Učora pavadamlałasia, što vakcynacyja ŭ Biełarusi rasijskim «Spadarožnikam V» pačniecca ŭ studzieni. Ministr Pinievič zajaviŭ u paniadziełak, što na pieršym etapie vakcynacyi buduć padlahać miedycynskija rabotniki, nastaŭniki, rabotniki handlu i inšych śfier, vymušanyja ŭ siłu prafiesii kantaktavać ź vialikaj kolkaściu ludziej. Vakcynu jany atrymajuć biaspłatna.
U ZŠA, Vialikabrytanii i Rasii vakcynacyja va ŭsiu idzie. U krainach ES jana pavinna pačacca 27 śniežnia. Tam buduć pryščaplać vakcynaj BioN_Tech/Pfizer (vytvorčaść Niamieččyna/ZŠA), a zatym, mahčyma, Moderna (ZŠA) i šeraham inšych vakcyn.
