Пра гэта ён заявіў сёння на нарадзе па пытаннях распрацоўкі супрацьвірусных вакцын і лакалізацыі вытворчасці замежных вакцын, піша БелТА.
Паводле слоў Лукашэнкі, каб правесці маштабную вакцынацыю ад COVID-19, Беларусь можа пайсці двума шляхамі.
Першы заключаецца ў распрацоўцы ўласных вакцын. «Ёсць навукоўцы, ёсць напрацоўкі, ёсць школа — трэба гэтым займацца. На што выйдзем, я вас хачу сёння паслухаць, каб дарма не траціць грошы. Таму уласнымі беларускімі вакцынамі будзем займацца», - падкрэсліў ён.
Лукашэнка адзначыў, што вытворчасць імуналагічных прэпаратаў такога ўзроўню — абсалютна новая для Беларусі задача. «Ёсць пэўны патэнцыял і ў Міністэрстве аховы здароўя, і ў Акадэміі навук. Як мне дакладваюць, на вырашэнне гэтай задачы ўжо нацэленыя вядучыя супрацоўнікі і навукоўцы ў сферах вірусалогіі, імуналогіі, генетыкі, клетачнай інжынерыі», - распавёў ён.
Другі падыход заключаецца ў лакалізацыі вытворчасці замежных распрацовак. Аляксандр Лукашэнка пацікавіўся, якія ўжо вывучаныя і прапрацаваныя абставіны — тэрміны, аб'ёмы, крыніцы фінансавання і перспектыўныя магчымасці, а таксама на якім этапе сумесны праект холдынгу «Белфармпрам» і Расійскага нацыянальнага даследчага цэнтра імя Гамалеі.
«Незалежна ад таго, ці выйдзем мы на вытворчасць вакцыны ў разумныя тэрміны, ці не, хачу, каб грамадства ведала: краіна будзе забяспечаная вакцынай, і кожны ахвотны зможа мець да яе свабодны доступ», - заявіў Лукашэнка.
***
Учора павадамлялася, што вакцынацыя ў Беларусі расійскім «Спадарожнікам V» пачнецца ў студзені. Міністр Піневіч заявіў у панядзелак, што на першым этапе вакцынацыі будуць падлягаць медыцынскія работнікі, настаўнікі, работнікі гандлю і іншых сфер, вымушаныя ў сілу прафесіі кантактаваць з вялікай колькасцю людзей. Вакцыну яны атрымаюць бясплатна.
У ЗША, Вялікабрытаніі і Расіі вакцынацыя ва ўсю ідзе. У краінах ЕС яна павінна пачацца 27 снежня. Там будуць прышчапляць вакцынай BioN_Tech/Pfizer (вытворчасць Нямеччына/ЗША), а затым, магчыма, Moderna (ЗША) і шэрагам іншых вакцын.
Цяпер чытаюць
«Свінні зарохкалі. Без вады даўно не сядзелі, я б ім адключыў». Азаронак абрынуўся на жыхароў раёна Лебядзіны29
Каментары