Cichanoŭskaja pra pieranos chakiejnaha čempijanatu: Heta pieramoha
Śviatłana Cichanoŭskaja prakamientavała rašeńnie ab pieranosie čempijanatu śvietu pa chakiei ź Minska.
«Siońnia saviet IIHF abjaviŭ ab pieranosie čempijanatu śvietu pa chakiei. Heta pieramoha, bo nie budzie dadatkovaj chvali represij dziela «začystki» horada pierad ČS. Heta pieramoha, bo ŭ Łukašenki nie atrymałasia zrabić vyhlad, byccam u jaho ŭsio pad kantrolem. Heta pieramoha, bo biełarusy damahlisia svajho — i zrabili heta razam.
Heta pieramoha Alaksandry Hierasimieni i Fondu spartyŭnaj salidarnaści. Jany aktyŭna pracavali ź fiederacyjaj i jaje partniorami, viali pieramovy i zaklikali nie lehitymizavać režym, što prajhraŭ vybary.
Heta pieramoha biełaruskaj dyjaspary. Biełarusy ŭ roznych krainach vychodzili na pikiety la štab-kvater IIHF i sponsaraŭ čempijanatu, dapamahali zamiežnym ŚMI pisać pra toje, što adbyvajecca. Jany dziakavali Škoda, Nivea i Tissot za admovu spansiravać čempijanat, jaki słužyć šyrmaj dla strašnaha hvałtu z boku režymu.
Heta pieramoha mižnarodnaj kamandy Kabinieta pradstaŭnikoŭ, jakaja na kožnaj sustrečy z zamiežnymi dypłamatami kazała, jak nam važnaja ich padtrymka.
Heta pieramoha kožnaha biełarusa, jaki viedaje, što chakiej — heta hulnia, i biełarusy nie źbirajucca hulać sa złačyncami.
Heta naša ahulnaja pieramoha.
Voś što adbyvajecca, kali ludzi abjadnoŭvajucca. Ja vieru, što razam my zdolnyja vyzvalić palitviaźniaŭ i nie dać pieratvaryć našu krainu ŭ «łahier». Darahija biełarusy, razam my vierniem zakon i sumlennyja vybary. I voś tady my z radaściu praviadziom čempijanat i zaprosim na jaho ŭsich našych mižnarodnych partnioraŭ i siabroŭ, jakich sioleta stała našmat bolš», — zajaviła palityk.
Kamientary