Sieryjał «Chod karalevy» pra samy niedynamičny vid sportu ŭ śviecie pabiŭ rekordy Netflix pa prahladach
Sieryjał pra šlach dziaŭčynki-siraty da šachmatnaj słavy staŭ samym papularnym mini-sieryjałam na Netflix za ŭsiu historyju stryminhavaj płatformy.
Nichto nie moh padumać, što «Chod karalevy» ad režysiora Skota Frenka, jaki vyjšaŭ letaś u kastryčniku, pryciahnie stolki ŭvahi, bo siužet sieryjała nie maje tych kampanientaŭ, charakternych dla chitoŭ ad Netflix, a šachmaty ŭ mnohich asacyjujucca ź niečym sumnym i zanudnym. Tym nie mienš, sieryjał atrymaŭ stanoŭčuju acenku krytykaŭ, a taksama sabraŭ pazityŭnyja vodhuki ŭ šachmatnaj supolnaści.
Tolki za pieršy miesiac paśla vychadu sieryjał pahladzieli 62 miljony karystalnikaŭ Netflix. Akramia hetaha, ličycca, što «Chod karalevy» paspryjaŭ adradžeńniu hramadskaj cikavaści da šachmataŭ.
Sieryjał źjaŭlajecca adaptacyjaj nie samaha viadomaha ramana Uołtera Tevisa 1983 hoda z toj ža nazvaj.
Bet Charman (u dziacinstvie jaje hraje Isła Džonstan), hałoŭnaja hierainia sieryjała, stanovicca siratoj u 9 hadoŭ i traplaje ŭ prytułak. Tam jana znajomicca z prybiralščykam, jaki vučyć jaje hulać u šachmaty. Dziaŭčynka zachaplajecca hulnioj, da jakoj u jaje jość vyklučnyja zdolnaści. Z rańniaha ŭzrostu Bet Charman sutykajecca z prablemaj złoŭžyvańnia psichaaktyŭnymi rečyvami, jakija dapamahajuć joj štonoč ujaŭlać šachmatnuju došku i prydumlać roznyja šachmatnyja kambinacyi.
Paźniej Bet traplaje ŭ pryjomnuju siamju i pačynaje brać udzieł u prestyžnych šachmatnych turnirach. Mužčyny-kankurenty i arhanizatary turniraŭ spačatku sumniajucca ŭ jaje zdolnaściach, ale Bet Charman (u darosłym uzroście jaje hraje Ani Tejłar-Džoj) razhromna pieramahaje svaich apanientaŭ. Takim čynam dziaŭčyna stanovicca ŭsio bolš viadomaj u krainie.
«Chod karalevy» ŭdała pakazvaje šachmaty jak vysokaestetyčnuju hulniu, što ŭ vyniku vyklikała šalony intares da šachmat siarod hledačoŭ. Vytvorcy šachmatnych došak śćviardžajuć, što prodažy pavialičylisia ŭ 4 razy paśla vychadu sieryjała.
A kansultantami dla šachmatnych scen stali były čempijon śvietu Hary Kasparaŭ i viadomy amierykanski trener pa šachmatach Brus Pandalfini, što, pa mierkavańni krytykaŭ, zrabiła sieryjał adnoj z najlepšych i najbolš paśpiachovych ekranizacyj hulni.
Ciapier čytajuć
Ściapan Puciła: Mianie sprabavali vykraści z dapamohaj pasolstva Biełarusi ŭ Varšavie2
Ściapan Puciła: Mianie sprabavali vykraści z dapamohaj pasolstva Biełarusi ŭ Varšavie
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary