«Tuzin. Pierazahruzka». Pukst

U miežach prajektu «Tuzin. Pierazahruzka» internet-partału «Tuzin Hitoŭ» i hramadzkaj kampanii «Budźma biełarusami» biare ŭdzieł samy ekstravahantny biełaruski muzyka Siarhiej Pukst, viadomy svaimi pank-džaz eksperymentami. Jon upieršyniu ŭ svaim žyćci zaśpiavaje pa-biełarusku svaju pieśniu «Prosto stal», jakuju pierakładzie Andrej Chadanovič.

«Pukst — heta boh, ale viedaje pra heta pakul vuzkaje koła ludziej», — hetak pra ŭdzielnika prajektu «Pierazahruzka» vykazaŭsia paet Andrej Chadanovič. Siarhieja Puksta nazyvajuć samym adukavanym biełaruskim muzykam. Jon skončyŭ muzyčnuju škołu pry biełaruskaj kanservatoryi, mastackuju vučelniu, linhvistyčny ŭniversitet, vučyŭsia pa klasu vakała ŭ akademii mastactvaŭ… Ale pajšoŭ jon zusim nie ŭ rečyščy klasičnaj muzyki. Na pačatku 90-ch Pukst dałučyŭsia da pank-hurta «Korol pčioł» i ŭziaŭsia za raspracoŭku ŭłasnaj tvorčaj kancepcyi. U 1997-m źjaviŭsia jahony pieršy albom «Sny», tady ŭpieršyniu zahavaryli pra «nihilistyčny džaz» ad Puksta. Potym jon stvaryŭ ułasnuju kamandu — Pukstband, pierad jakoj była pastaŭlena zadača «vykonvać idealna adpracavanuju impravizacyju». Nastupny albom Puksta — Strange Glamour byŭ nazvany najlepšym biełaruskim dyskam 2004 hodu pa versii «Biełorusskoj haziety». Vielmi ciopła vitali i jaho nastupnuju pracu — Pukstjazz (2004), paśla jakoj vykanaŭca vyrašyŭ pierapynić svaje pank-džazavyja eksperymenty: «Ad džazavych vystupaŭ ja pakul ustrymajusia — heta zanadta vialiki vykid enierhii», — patłumačyŭ tady jon.

Ciapier Pukst rychtuje novy albom, jaki choča zapisać na aŭdyjokasetu. Tolki što jon realizavaŭ tvorčy prajekt pad nazvaj «Chor mastakoŭ». Pavodle zadumy hetaj videainstalacyi, 60 biełaruskich mastakoŭ śpiavali pra roznyja fizičnyja teoryi. Pukst jakraz napisaŭ muzyku i słovy dla hetaha dziŭnaha choru. Pryčym na biełaruskaj movie, choć sam vykanaŭca pryznajecca, što na svajoj movie nikoli jašče nie śpiavaŭ. «Razumieju, što heta niapravilna, bo kab być sapraŭdy sumlennym, tre śpiavać pa-svojmu, -kaža śpiavak. — Miłahučnaść biełaruskaj movy niedastatkova skarystana, jana kali i hučyć, to ŭ niapravilnaj muzycy».

Na biełaruskaj zahučyć pieśnia Puksta «Prosto stal». Za jaje pieraasensavańnie voźmiecca jakraz Andrej Chadanovič.

Nastupny ŭdzielnik «Pierazahruzki» budzie pradstaŭleny 12 červienia.

Daviedka: U prajekcie «Tuzin. Pierazahruzka» internet-partału «Tuzin Hitoŭ» i hramadzkaj kampanii «Budźma biełarusami» biaruć udzieł 12 samych cikavych ajčynnych niebiełaruskamoŭnych vykanaŭcaŭ roznych stylaŭ, jakich łučyć aryhinalnaść materyjału, prafesyjnaść u muzyčnym padychodzie i žadańnie ekśpierymentavać. Kožny ź ich pierazapiša adzin z svaich hitoŭ u biełaruskamoŭnym varyjancie, vykananym prafesyjnym pierakładčykam. Usie pieśni buduć prezentavanyja na staronkach «Tuzina Hitoŭ» i «Budźma biełarusami».

Infarmacyjnyja partnery akcyi «TUZIN. PIERAZAHRUZKA»:

Internet-partał TUT.BY

Pieršaja prafesyjnaja radyjostancyja bajnetu — Netradio.by

Pieršaja biełaruskaja hazeta — «Naša Niva»

Pieršaja biełaruskaja transpamiežnaja FM-stancyja — Radyjo Racyja (98,1 FM u Harodni i Biełastoku)

Prahrama «Prodvižienije» (štoniadzielu apoŭnačy, štosieradu apoŭdni na telekanale «Ład»)

Prahrama «Novaja ziamla» (štočaćvier a 23-aj hadzinie na Radyjo Unistar (99,5 FM u Miensku, 102,3 FM u Bieraście).

Tuzin Hitoŭ

• 0
• 0
• 0
• 0
• 0
• 0
• 0
• 0