Bałakłavy źjavilisia ŭ apošniaj kalekcyi linii spartyŭnaha adzieńnia Ivy Park, jakaja naležyć Biejonse, a taksama na podyumie francuzskaha doma mody Céline. Ci majuć bałakłavy niejki padtekst, abo heta prosta hałaŭny ŭbor, jaki vydatna sahravaje ŭ chałady?
Učora viadomy śpiavak The Weeknd (jon ža Ejbeł Tesfaje) pryciahnuŭ uvahu svaim vystupam na Supierboŭle (finalnaja hulnia za zvańnie čempijona Nacyjanalnaj futbolnaj lihi ZŠA). Śpiavak vykanaŭ svaju pieśniu «Blinding Lights» u supravadžeńni tancoraŭ u biełych bałakłavach na tvarach. Heta była mietafara vykanaŭcy da taho, jakija ludzi stali siońnia: skrytnyja, ananimnyja i naściarožanyja.
A niekalki dzion tamu śpiavačka Biejonse pakazała svaju novuju kalekcyju ź linii Ivy Park. U centry ŭvahi kalekcyi — vuličnaje adzieńnie, dzie važnaje miesca zajmaje jakraz bałakłava, piša The Guardian.
Biejonse i raniej vykarystoŭvała bałakłavy ŭ svaich klipach. Papularyzacyja hetaha elemienta adzieńnia dobra ŭpisvajecca ŭ styl warcore, jaki ŭźnik paru hadoŭ tamu. Tendencyja zaklučajecca ŭ vykarystańni adzieńnia, padobnaha da taho, jakoje nasili padčas vajny.
Zima — idealny čas dla mody na bałakłavy. Maroz i śnieh robiać hety elemient adzieńnia ŭsio bolš papularnym. Tak, jak i pandemija: anłajn-zapyty na bałakłavy vyraśli na 59% za 2020 hod. Akramia hetaha, takija viadomyja brendy, jak Céline, Raf Simons, Greater Goods i Stone Island x Supreme stvarajuć praktyčnyja i pryvabnyja bałakłavy.
Bałakłava zaŭsiody asacyjavałasia z baraćboj. Pieršapačatkova ich nasili brytanskija sałdaty padčas Krymskaj vajny, kala Bałakłavy, što pad Sievastopalem, kab abaranicca ad niepahadzi. U XX stahodździ bałakłavy pačali asacyjavacca z elitnymi ŭzbrojenymi siłami, naprykład, z Special Air Service, što ŭ Vialikabrytanii. Na siońniašni dzień moda na bałakłavy simvalizuje roznaje: achovu, tajamnicu abo pahrozu.
Bałakłava taksama stała elemientam adzieńnia, jaki simvalizuje anarchiju. Jašče ŭ 2018 hodzie Nike raskrytykavali za ŭviadzieńnie bałakłavaŭ u svaje kalekcyi, jakija asacyjavalisia z bandyckaj kulturaj. U vyniku kampanija była vymušanaja vyklučyć bałakłavy z kalekcyi.
Nu a čyrvony koler prosta staŭ u 2020-m modnym.
-
Biełaruskam prapanoŭvajuć vip-šopinh sa stylistkaj u Italii. Bonus — invalid pieršaj hrupy ŭ kampanii. Navošta?
-
«Kab dzieci nie vyhladali, jak maleńkija čynoŭniki». Dyzajnierka padkazvaje, jak vybrać školnuju formu z katałoha «Biellehprama»
-
Stryžak ździviŭ svaim jarkim kaściumam z Super Mario. Dzie jon jaho ŭziaŭ?
U Mahilovie mužčyna adbivaŭsia ad hubazikaŭcaŭ nažom6
Kamientary