Asoby byli pazbaŭlenych voli za abrazu słužbovych asob, Łukašenki, sudździaŭ i źniavahu dziaržaŭnych simvałaŭ. Siarod ich:
- Illa Smolski — asudžany prysudam suda Leninskaha r-na h. Bresta da adnaho hoda abmiežavańnia voli pa art. 370 KK (źniavaha dziaržaŭnych simvałaŭ). Nakiravany dla adbyćcia pakarańnia ŭ papraŭčuju ŭstanovu adkrytaha typu.
- Uładzimir Šynkievič — asudžany ŭ zakrytym sudovym pasiadžeńni suda Aršanskaha r-na pa č.1 art. 368 KK (abraza prezidenta Respubliki Biełaruś) da adnaho hoda i troch miesiacaŭ pazbaŭleńnia voli.
- Uładzimir Niapomniaščych — abvinavačany i ŭziaty pad vartu pa art. 366 (pahroza hvałtu ŭ dačynieńni da słužbovaj asoby, u suviazi z vykanańniem joj słužbovych abaviazkaŭ) i art. 369 KK (abraza słužbovaj asoby). Znachodzicca ŭ SIZA h. Homiela.
- Uładzimir Michałka — abvinavačany i źmieščany pad vartu pa č.1 art. 368 KK (abraza prezidenta Respubliki Biełaruś). Znachodzicca ŭ SIZA h. Homiela.
- Michaił Hładyš — asudžany prysudam suda Pieršamajskaha r-na h. Viciebska pa art. 369 KK (abraza słužbovaj asoby) da dvuch hadoŭ abmiežavańnia voli. Nakiravany dla adbyćcia pakarańnia u papraŭčuju ŭstanovu adkrytaha typu.
- Hieorhij Vasilenka — asudžany prysudam suda Centralnaha r-na h. Homiela pa č.1 art. 339 (chulihanstva) za «źviaržeńnie» dziaržaŭnaha ściaha da dvuch hadoŭ abmiežavańnia voli. Nakiravany dla adbyćcia pakarańnia ŭ papraŭčuju ŭstanovu adkrytaha typu.
- Vaładar Curpanaŭ — asudžany prysudam suda Mahiloŭskaha r-na pa art. 391 KK (abrazu sudździ ci narodnaha zasiadaciela) da troch hadoŭ abmiežavańnia voli. Nakiravany dla adbyćcia pakarańnia ŭ papraŭčuju ŭstanovu adkrytaha typu.
0
0
0
0
0
0
