«Dynazaŭr Mi-Šy: Haspadar voziera» (Mee-Shee: The Water Giant).
Vialikabrytanija–Kanada, 2005, kalarovy, 90 chv.
Žanr: dziciačyja pryhody, siamiejnaje kino.
Adznaka: 4 (z 10).
Baćka nia słuchaje dziesiacihadovaha Maka i zamiest taho, kab pajechać z synam u Fłorydu, adpraŭlajecca na kanadzkaje voziera, dzie zatanuła kaštoŭnaje abstalavańnie. Pakul baćka pracuje, chłopčyk znajomicca ź miascovym dynazaŭram. Ale kiepskija avanturniki-złačyncy palujuć za dziŭnaju žyviolinaj.
Nizkabiudžetnaje i nietaropkaje kino ź siamiejnymi prablemami j pryhodami.
Siarod aktoraŭ – Brus Hrynŭud («Šalnyja skački», «Ja, robat»), ale j jon nia jość zorkaj pieršaj vieličyni.
Kanflikty niapeŭnyja, i scenar daloka nie dyjament, ale kino padkupaje svajoj naiŭnaściu i zamiłavalnaju dabrynioj. Dynazaŭry ŭtulna-paciešnyja, ź biezabaronnymi maržovymi pysami, niahodniki zusim nia strašnyja, a dziciačyja pryhody chłopčyka i miascovaj indziejskaj dziaŭčynki znachodziać vodhuk dziciačaj aŭdytoryi.
Siamiejnyja mitrenhi zaviaršajucca poŭnym parazumieńniem – i heta datyčyć nia tolki ludziej, ale j dynazaŭraŭ.
Ahulnaja radaść pa-nad vodnaj prastoraj symbalizuje ekalahičny mir – i ludzkuju zhodu.