17 lutaha sud Kastryčnickaha rajonu Mahilova pastanaviŭ spahnać z «Mahiloŭabłaŭtatransu» na karyść Alaksandra Chamratava 50 rubloŭ kampiensacyi maralnaj škody. Pastanova jašče nie nabyła moc, jaje možna abskardzić u Mahiloŭskim abłasnym sudzie.
Kiroŭcu aŭtobusa depremijavali jašče paśla skarhi Alaksandra ŭ aŭtapark. Ale tady ŭ Alaksandra nie paprasili prabačeńnia, a taksama nie zaprapanavali kampiensavać maralnuju škodu. I pasažyr z pryncypu pastanaviŭ davieści spravu da suda.
Toj samy aŭtobus
«Na maju dumku, niejak niełahična karać kiroŭcu, ale pry hetym nie pryznavać svajoj viny ŭ sudzie. «Mahiloŭabłaŭtatrans» viny nie pryznaŭ, prabačeńnia nie paprasiŭ i nie žadaŭ dobraachvotna prapanoŭvać mnie kampiensacyju. Heta nie pa-čałaviečy», — patłumačyŭ Alaksandr.
Takija hramadzianskija pazovy, na dumku Alaksandra, pavinny spryjać pavyšeńniu jakaści ažyćciaŭleńnia pasłuh.
