Palitviaźnia Jaŭhiena Dźmitryjeva asudzili na 2 hady kałonii. Ź jaho źniali abvinavačańnie ŭ kidańni mietaličnaj truby ŭ vadamiot
U sudzie Centralnaha rajona Minska 26 lutaha vynieśli prysud 26-hadovamu palitviaźniu Jaŭhienu Dźmitryjevu. Abvinavačańnie pavodle 364 artykuła (Hvałt albo pahroza prymianieńnia hvałtu ŭ dačynieńni da supracoŭnika orhanaŭ unutranych spraŭ) źniali, jamu pryznačyli dva hady kałonii ahulnaha režymu pavodle č. 1 art. 342 Kryminalnaha kodeksa (Udzieł u masavych biesparadkach) za padziei 4 kastryčnika, kali byŭ złamany vadamiot, paviedamlaje spring96.org.
Sudździa — Julija Hustyr, dziaržabvinavačvańnie — pamočnik prakurora Centralnaha rajona Arciom Ćviatkoŭ. Paciarpiełymi pa spravie pryznanyja kiroŭcy vadamiota Mikałaj Hłchatarenka i Jaŭhien Łaškoŭski.
Pavodle abvinavačvańnia, Jaŭhien Dźmitryjeŭ 4 kastryčnika byŭ na niesankcyjanavanym mierapryjemstvie, dzie stajaŭ u sčepcy ź inšymi hramadzianami, vychodziŭ na prajeznuju častku, h. zn. pryniaŭ aktyŭny ŭdzieł u hrupavych dziejańniach, što hruba parušajuć hramadski paradak, čym ździejśniŭ złačynstva, praduhledžanaje č.1 art. 342 Kryminalnaha kodeksa.
Jaŭhien Dźmitryjeŭ vinu pa art. 364 KK nie pryznaŭ, a pa art. 342 — pryznaŭ całkam.
U apošnim słovie jon skazaŭ: «Ja nie drenny čałaviek i ŭžo sapraŭdy nie złačyniec. Pracavaŭ u struktury MNS pažarnym vyratavalnikam. Ja pieršy raz u žyćci spatyknuŭsia i abaviazvajusia bolš tak nie pastupać. Chaču źviarnucca da tych, chto pryjšoŭ siońnia mianie padtrymać, tym, chto padtrymlivaŭ mianie i dapamahaŭ uvieś hety čas: dziakuj usim vielizarnaje za ŭsio, što vy dla mianie robicie, viedajcie, što ja vas usich vielmi mocna lublu i mocna vas usich abdymaju, pamiatajecie, što nichto nie zabyty i ništo nie zabyta. Być dabru!»
Čytajcie taksama:
U Minsku sudziać chłopca, jaki kinuŭ mietaličnuju trubu ŭ vadamiot. Ale paciarpiełyja pretenzij nie majuć
-
Rasijanina zatrymali na miažy Biełarusi ź Litvoj z hruzam vintažnaha posudu
-
Ihar Marzaluk na ideałahičnym mierapryjemstvie ŭpadaŭ u ekstaz ad abłasnych karavajaŭ VIDEA
-
«Pravasłaŭnyja cerkvy ŭ Zachodniaj Biełarusi zakryvalisia». A kolki ž było cerkvaŭ u BSSR i kolki — u Zachodniaj Biełarusi pa stanie na 1939 hod?
«Kałaŭra my nie pakryŭdzili»: stała viadoma pra novaje miesca pracy byłoha staršyni Nacbanka3
Kamientary