Pierazachavańnie pareštak rasstralanych nie abyšłosia biez ekscesaŭ
Supracoŭniki milicyi praihnaravali aficyjny dazvoł Ministerstva kultury, atrymany Biełaruskim dobraachvotnym tavarystvam achovy pomnikaŭ, dy naładzili ŭ Kurapatach «dadatkovuju pravierku».
Supracoŭniki milicyi praihnaravali aficyjny dazvoł Ministerstva kultury, atrymany Biełaruskim dobraachvotnym tavarystvam achovy pomnikaŭ, dy naładzili «dadatkovuju pravierku».
9 červienia ŭ Kurapatach mieła adbycca pierazachavańnie pareštak rasstralanych u časy stalinskich represij ludziej. Ich znajšli 2 krasavika 2009 hodu pobač ź dźviuma raskapanymi mahiłami. Pa fakcie vandalizmu była raspačataja kryminalnaja sprava, ale vinavatych u ździejśnienym złačynstvie dahetul nie adšukali.
Ekśpiertyza vyśvietliła, što raskapanyja pareštki adnosiacca da pachavańniaŭ 1937-1941 hh. Pa słovach staršyni Biełaruskaha dobraachvotnaha tavarystva achovy pomnikaŭ Antona Astapoviča, Ministerstva kultury aficyjna dazvoliła pierazachavańnie pareštak, a milicyjanty sami pieradali ich tavarystvu. Tym nie mienš, siońnia ŭ Kurapatach nie abyšłosia biez pryhodaŭ. Na miesca pierazachavańnia źjavilisia dva majory z Baraŭlanskaha adździełu milicyi. Jany praihnaravali aficyjny dazvoł Minkultu, zajaviŭšy, što patrebnaja dadatkovaja pravierka. Byŭ vyklikany supracoŭnik ź mietaładetektaram, da jaho źjaŭleńnia žałobnaje mierapryjemstva spynili. U chutkim časie hety supracoŭnik pryjechaŭ, ale pierš čym pravieści dadatkovuju pravierku, źniaŭ usich prysutnych (kala troch dziesiatkaŭ čałaviek) na kamieru. Paśla hetaha pareštki rasstralanych byli ŭrešcie pierapachavanyja.
***
Uročyšča Kurapaty, dzie ŭ 1937-1941 hh. balšaviki rasstralali pa roznych acenkach ad 30 da 250 tysiač čałaviek, nieadnakroć rabilisia abjektam napadaŭ vandałaŭ. Adna tolki łava z nadpisam «Ad narodu ZŠA narodu Biełarusi dziela pamiaci», ustalavanaja ŭ 1994 h. padčas vizitu ŭ Biełaruś prezidenta ZŠA Biła Klintana, była paškodžanaja kala 15 razoŭ. Časta nieviadomyja łomiać pamiatnyja kryžy va ŭročyščy. Tolki adnojčy, dziakujučy namahańniam arhanizavanaj KCHP-BNF družyny, u Kurapatach byli schoplenyja padazravanyja ŭ źniščeńni kryžoŭ maładyja ludzi, adnak da sudu sprava tak i nie dajšła.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary