Fota «Radyjo Racyja»
Tradycyjna ŭ apošnija vychodnyja lutaha ŭ Hajnaŭcy ładzicca marš u honar Ramualda Rajsa «Buraha», jakoha polskija patryjoty ličać hierojem antykamunistyčnaha padpolla, ale na jaho sumleńni sotni zabitych biełarusaŭ na Biełastoččynie.
«Adzin z tak zvanych hierojaŭ, jak ich sprabujuć padać udzielniki maršaŭ u Hajnaŭcy, a pa sutnaści vajenny złačyniec Ramuald Rajs pa mianušcy Bury 75 hadoŭ tamu kiravaŭ kryvavym rejdam u nasielenych biełarusami vioskach. Na jaho sumleńni i jaho paplečnikaŭ — sotni zabitych i skalečanych mirnych hramadzian, vinavatych tolki ŭ tym, što jany biełarusy. Niekalki viosak byli spaleny razam z žycharami. Učynienyja tady złačynstvy šakujuć svajoj žorstkaściu», — zajavili ŭ viedamstvie.
Razam z tym u MZS adznačyli: «Na fonie šmathadovaha papuščalnictva polskich uładaŭ u adnosinach da pravaradykalnych maršaŭ u Hajnaŭcy asabliva karykaturna vyhladajuć sproby Polščy apielavać da zachavańnia pravoŭ čałavieka ŭ Biełarusi i łabiravać sankcyjnyja miery ŭ dačynieńni da našaj krainy.
U Varšavie tak zachapilisia sprobami ačarnić susiedniuju Biełaruś, što nie chapaje času zaniacca šmatlikimi prablemami z pravami čałavieka i sudovaj sistemaj u siabie doma».
U viedamstvie padkreślili, što zacikaŭleny ŭ narmalizacyi adnosin z Polščaj, ale heta mahčyma tolki ŭ vypadku admovy ad Varšavy cisku i mientarskich padychodaŭ.
