У МЗС Беларусі выказалі пратэст наконт шэсця ў Гайнаўцы і нагадалі пра «карыкатурную палітыку» Варшавы
МЗС Беларусі заклікала Варшаву не дапускаць гераізацыі нацызму і асудзіла намеры правесці акцыю памяці ў гонар так званых «выклятых салдат» у горадзе Гайнаўцы на Беласточчыне.
Традыцыйна ў апошнія выходныя лютага ў Гайнаўцы ладзіцца марш у гонар Рамуальда Райса «Бурага», якога польскія патрыёты лічаць героем антыкамуністычнага падполля, але на яго сумленні сотні забітых беларусаў на Беласточчыне.
«Адзін з так званых герояў, як іх спрабуюць падаць удзельнікі маршаў у Гайнаўцы, а па сутнасці ваенны злачынец Рамуальд Райс па мянушцы Буры 75 гадоў таму кіраваў крывавым рэйдам у населеных беларусамі вёсках. На яго сумленні і яго паплечнікаў — сотні забітых і скалечаных мірных грамадзян, вінаватых толькі ў тым, што яны беларусы. Некалькі вёсак былі спалены разам з жыхарамі. Учыненыя тады злачынствы шакуюць сваёй жорсткасцю», — заявілі ў ведамстве.
Разам з тым у МЗС адзначылі: «На фоне шматгадовага папушчальніцтва польскіх уладаў у адносінах да праварадыкальных маршаў у Гайнаўцы асабліва карыкатурна выглядаюць спробы Польшчы апеляваць да захавання правоў чалавека ў Беларусі і лабіраваць санкцыйныя меры ў дачыненні да нашай краіны.
У Варшаве так захапіліся спробамі ачарніць суседнюю Беларусь, што не хапае часу заняцца шматлікімі праблемамі з правамі чалавека і судовай сістэмай у сябе дома».
У ведамстве падкрэслілі, што зацікаўлены ў нармалізацыі адносін з Польшчай, але гэта магчыма толькі ў выпадку адмовы ад Варшавы ціску і ментарскіх падыходаў.
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс26
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі1919
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі19
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары