Čytajcie taksama: «Kudy ž vy, Alaksandr Ryhoravič, sabralisia, jak my biez vas?» Jak prajšła pieršaja sustreča kamisii pa kanstytucyi. Uražańni ŭdzielnika
Łukašenka padpisaŭ ukaz ab kanstytucyjnaj kamisii: u składzie 36 čałaviek
U kamisiju nie ŭklučyli nivodnaha čałavieka ź inšymi palityčnymi pohladami. U jaje nie ŭvajšli ni nobieleŭskaja łaŭreatka Śviatłana Aleksijevič, ni hienierał-major Miečysłaŭ Hryb, nivodnaha pravaabaroncy, pradstaŭnika niedziaržaŭnych arhanizacyj, siłavikoŭ, intelihiencyi, biznesu ci prafiesijnych abjadnańniaŭ ź niełukašenkaŭskimi palityčnymi pohladami.
Padziei 2020 hoda byli adlustravańniem žadańnia hramadzian atrymać realnaje, a nie fiktyŭnaje prava vybirać i być abranymi. Padziei byli nastupstvam hłybokaj i ŭśviadomlenaj niezadavolenaści isnujučaj sistemaj. Ludzi patrabavali nie źmien u Kanstytucyju, nichto nie zhadvaŭ ni pra jakuju kanstytucyju, ludzi patrabavali 1) stvareńnia sistemy sumlennaha padliku hałasoŭ i 2) roŭnaj, a nie vybaračnaj zakonnaści dla ŭsich hramadzian niezaležna ad pohladaŭ i ŭsich subjektaŭ haspadarańnia niezaležna ad form ułasnaści.
Lehitymnaść papravak u Kanstytucyju, raspracavanych niereprezientatyŭnaj kamisijaj, u vačach praciŭnikaŭ Alaksandra Łukašenki i prychilnikaŭ pieramien budzie nulavoj. Ich pryniaćcie nie źnimie tych supiarečnaściej miž realijami ekanomiki XXI stahodździa, realijami śviadomaści ludziej XXI stahodździa i palityčnaj sistemaj, jakaja isnuje ŭ Biełarusi.
