Prakuratura Bresta padała pazoŭ ab likvidacyi «Polskaj škoły» z-za spravy «ab hieraizacyi vajennych złačyncaŭ»
Pazoŭ ab likvidacyi TAA «Polskaja škoła» padała prakuratura Bieraścia ŭ suviazi z «hrubym parušeńniem zakanadaŭstva, što paciahnuła pryčynieńnie škody dziaržaŭnym i hramadskim intaresam», paviedamlaje Tut.by sa spasyłkaj na pres-słužbu.
«Pad vyhladam akazańnia infarmacyjnych i kulturna-adukacyjnych pasłuh z udziełam nie mienš za 20 niepaŭnaletnich navučencaŭ i maładych bieraściejcaŭ prasłaŭlalisia vajskovyja złačyncy, uklučajučy Ramualda Rajsa, viadomaha pa mianušcy Bury», — paviedamlaje pres-słužba prakuratury.
Havorka idzie ab niesankcyjanavanym masavym mierapryjemstvie, jakoje prajšło ŭ «Polskaj škole» 28 lutaha.
10 sakavika pa fakcie «ździajśnieńnia hrupaj asob naŭmysnych dziejańniaŭ, nakiravanych na ŭzbudžeńnie nacyjanalnaj i relihijnaj varožaści i varožaści pa prykmiecie nacyjanalnaj, relihijnaj, moŭnaj i inšaj sacyjalnaj prynaležnaści, a taksama naŭmysnych dziejańniaŭ pa reabilitacyi nacyzmu» była zaviedziena kryminalnaja sprava pa č. 3 art. 130 KK.
U miežach kryminalnaj spravy zatrymali suzasnavalnika «Polskaj škoły» — 43-hadovaha bieraściejca — i dyrektara Hannu Panišavu, jakaja viarnułasia ŭ Biełaruś paśla kamandziroŭki ŭ Polšču. Jany prachodziać pa spravie jak padazravanyja. Pavodle infarmacyi Tut.by, praź niekatory čas suzasnavalnika adpuścili, a dyrektar usio jašče znachodzicca pad vartaj.
Časovy pavierany ŭ spravach Polščy ŭ Biełarusi Marcin Vajciachoŭski raniej raspavioŭ, što mierapryjemstva ŭ «Polskaj škole» «nie mieła nijakaha dačynieńnia» da Ramualda Rajsa (Buraha).
Čytajcie taksama:
Biełarusy i «vyklatyja žaŭniery»: pamiž dźviuma tatalitarnymi ideałohijami
Tłumačym, chto takija «praklatyja žaŭniery», Ramuald «Bury» Rajs i jakoje dačynieńnie heta maje da Biełarusi
Ciapier čytajuć
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary