Hrodzienskaha muzykanta Ihara Bancara (lidar stryt-pank-hurta Mister X) abvinavačvali ŭ chulihanstvie: nočču 5 vieraśnia nibyta tancavaŭ bieź nižniaj bializny pierad milicejskim aŭtamabilem.
Paciarpieły — kiroŭca-milicyjanier RAUS Leninskaha rajona Siarhiej Bahdzievič. Pretenzij jon da Bancara nie mieŭ.
Ihar žanaty, u jaho troje dziaciej. Letaś padčas akcyj pratestu jon trojčy adbyvaŭ administracyjny aryšt za ŭdzieł u mitynhach (u ahulnaj składanaści 18 sutak), a taksama byŭ aštrafavany, udakładniaje Tut.by.
Pavodle viersii abvinavačvańnia, Bancar, «naŭmysna vykazvajučy niepavahu da pradstaŭnikoŭ ułady, vidavočna hrebujučy ahulnamaralnymi normami z asablivym cynizmam», ahaliŭ svaje pałavyja orhany i demanstravaŭ ich milicyjantam, jakija znachodzilisia ŭ słužbovym aŭtamabili, a taksama nieŭstanoŭlenym asobam.
Paciarpieły — kiroŭca-milicyjanier, jaki jak raz i znachodziŭsia ŭ toj mašynie. Jon razam z učastkovym u tuju noč pryjechaŭ pa vykliku da adnaho z baraŭ.
Kiroŭca raspavioŭ, što spačatku ŭbačyŭ Bancara zboku ad mašyny. Toj byŭ jašče «ŭ čymści ružovym i jarkim». Potym supracoŭnik pačaŭ zapaŭniać bartavy žurnał i, kali padniaŭ vočy, ubačyŭ tancujučaha mužčynu. Toj užo nibyta byŭ biez trusoŭ.
— Hladžu, niejki mužyk tančyć hoły pierad mašynaj — uspaminaŭ u sudzie paciarpieły.
Žonka: «Jon pojdzie da kanca». Muzykant z Hrodna Ihar Bancar trymaje za kratami suchuju haładoŭku
