BiełTA
«Praca heta pačałasia jašče ŭ studzieni sumiesna z archivami, u pieršuju čarhu orhanaŭ dziaržaŭnaj biaśpieki (tam vialiki masiŭ kryminalnych spraŭ u dačynieńni da vajennych złačyncaŭ), histaryčnymi instytutami, u tym liku Nacyjanalnaj akademii navuk. I siońnia my hetuju pracu zaviaršajem. Sens rasśledavańnia kryminalnaj spravy, kali jana budzie raspačata, zvodzicca da taho, kab učynienyja złačynstvy zaŭsiody byli ŭ našaj pamiaci, i hetym złačynstvam pavinna być dadziena ŭ cełym sistemnaja pravavaja acenka», — skazaŭ Andrej Švied.
Pa jaho słovach, z kožnym hodam źjaŭlajecca ŭsio bolš infarmacyi, raniej nieviadomaj hramadskaści, ab złačynstvach, źvierstvach, učynienych u tyja hady na terytoryi Biełarusi.
«Siońnia my kanstatujem, što pa mnohich ź ich pravavuju acenku ŭ tyja hady nichto nie davaŭ. Tamu ciapier treba ŭsio heta sabrać u adziny masiŭ, u cełym pahladzieć, acanić. I ŭ dalejšym, kali kryminalnaja sprava budzie zaviedzienaja, upeŭnieny, heta daść surjozny impuls nie tolki da abmierkavańnia ŭ hramadstvie novych i viadomych faktaŭ, ale i daść pravavuju asnovu dla taho, kab my dalej abaraniali intaresy Respubliki Biełaruś, u tym liku na mižnarodnaj arenie», — adznačyŭ hienprakuror.
«U vypadku rasśledavańnia hetaj kryminalnaj spravy budzie pastaŭlenaje pytańnie ŭ ramkach mižnarodnych damoŭ pa vydačy niekatorych złačyncaŭ, jakija, jak vyśvietliłasia, jašče žyvyja, ab pracy śledčych i pravaachoŭnych orhanaŭ za miažoj, u tym liku ŭ tych krainach, jakija sprabavali ŭ nas ździejśnić kalarovuju revalucyju.
Voś my im zadamo šmat pytańniaŭ u ramkach akazańnia pravavoj dapamohi. I źjaviacca pravavyja padstavy dla vyrašeńnia inšych vielmi važnych pytańniaŭ», — padkreśliŭ Andrej Švied.
