Fota z archiva Aleny Šymolinaj
Ciapier Šymolina ŭ Polščy, jana źjechała ź Biełarusi razam ź niepaŭnaletniaj dačkoj. Pavodle Aleny, rašeńnie ab likvidacyi «Paleskaj dabryni» Pinski harvykankam užo pryniaŭ. Ciapier rabotniki padatkovaj inśpiekcyi telefanujuć jaje 80-hadovaj maci, kab taja pryniesła dakumienty dla likvidacyi arhanizacyi
Šymolina adkryta zaklikała vybarščykaŭ hałasavać za Śviatłanu Cichanoŭskuju, asudziła žorstkaść siłavikoŭ, a jaje arhanizacyja akazvała materyjalnuju dapamohu pinčukam, jakija paciarpieli ad hvałtu milicyi.
U ofisie «Paleskaj dabryni» i doma ŭ Aleny Šymolinaj praviali pieratrusy, kanfiskavali kampjutarnuju techniku, statutnyja i finansavyja dakumienty. Paśla šmathadzinnaha dopytu ŭ mižrajonnym adździele DFR jaje adpuścili. U tuju ž noč jana z dačkoj pakinuła Biełaruś.
Pa słovach Šymolinaj, tečka z važnymi dakumientami, jakija dakazvajuć hvałt siłavikoŭ suprać mirnych pratestoŭcaŭ u Pinsku, znachodzicca ŭ nadziejnym miescy.
