У Пінску ліквідуюць дабрачынную арганізацыю, заснавальніца якой з'ехала ад пераследу ў Польшчу
У Пінску ліквідуюць прыватную дабрачынную арганізацыю «Палеская дабрыня». Пра гэта Медыя-Палессю паведаміла яе заснавальніца Алена Шымоліна.
Цяпер Шымоліна ў Польшчы, яна з'ехала з Беларусі разам з непаўналетняй дачкой. Паводле Алены, рашэнне аб ліквідацыі «Палескай дабрыні» Пінскі гарвыканкам ужо прыняў. Цяпер работнікі падатковай інспекцыі тэлефануюць яе 80-гадовай маці, каб тая прынесла дакументы для ліквідацыі арганізацыі
Шымоліна адкрыта заклікала выбаршчыкаў галасаваць за Святлану Ціханоўскую, асудзіла жорсткасць сілавікоў, а яе арганізацыя аказвала матэрыяльную дапамогу пінчукам, якія пацярпелі ад гвалту міліцыі.
У офісе «Палескай дабрыні» і дома ў Алены Шымолінай правялі ператрусы, канфіскавалі камп'ютарную тэхніку, статутныя і фінансавыя дакументы. Пасьля шматгадзіннага допыту ў міжраённым аддзеле ДФР яе адпусцілі. У тую ж ноч яна з дачкой пакінула Беларусь.
Па словах Шымолінай, тэчка з важнымі дакументамі, якія даказваюць гвалт сілавікоў супраць мірных пратэстоўцаў у Пінску, знаходзіцца ў надзейным месцы.
Цяпер чытаюць
Ціханоўскі: Ціханоўскай можна было ў 2020‑м не пабаяцца турмы. І, можа, у беларусаў быў бы шанец95
Каментары