U zajavie adznačajecca, što MZS vykazvaje svaju niazhodu z zatrymańniem Anžaliki Borys, prezidenta Sajuza palakaŭ Biełarusi. Pra heta było zajaŭlena časovamu pavieranamu ŭ spravach Biełarusi, jakoha ŭ aŭtorak viečaram vyklikali ŭ polskaje viedamstva.
— Pradstaŭnik biełaruskaj dypłamatyi atrymaŭ niedvuchsensoŭnaje paviedamleńnie ab tym, što dziejańni biełaruskich uładaŭ supiarečać mižnarodnym abaviazacielstvam Biełarusi pa abaronie nacyjanalnych mienšaściaŭ i dvuchbakovym polska-biełaruskim abaviazacielstvam pa abaronie polskaj mienšaści.
U MZS zaznačajuć, što dziejnaść Sajuza palakaŭ u Biełarusi nakiravanaja na kultyvavańnie polskaj kultury i tradycyj, padtrymku polskaj adukacyi i vyvučeńnie polskaj movy. Aryšt jaho kiraŭnika raŭnacenny vyhnańniu polskaj identyčnaści, nanosić udar pa adnosinam pamiž krainami i pa tradycyjnym biełaruskim multykulturaliźmie.
— My zaklikajem jak maha chutčej vyzvalić kiraŭnika Sajuza palakaŭ Biełarusi i pakłaści kaniec advolnamu pieraśledu pradstaŭnikoŭ polskaj mienšaści.
Anžaliku Borys zatrymali ŭ aŭtorak viečaram u Horadni i dastavili ŭ RAUS. Zatrymańnie moža być źviazana sa śviatkavańniem śviata Kaziuki ŭ Horadni.