МЗС Польшчы пра затрыманне Анжалікі Борыс: Гэта супярэчыць міжнародным абавязацельствам па абароне нацменшасцяў
МЗС Польшчы заклікае «пакласці канец пераследам польскай меншасці». Пра гэта гаворыцца ў заяве, размешчанай на афіцыйным сайце знешнепалітычнага ведамства.
У заяве адзначаецца, што МЗС выказвае сваю нязгоду з затрыманнем Анжалікі Борыс, прэзідэнта Саюза палякаў Беларусі. Пра гэта было заяўлена часоваму паверанаму ў справах Беларусі, якога ў аўторак вечарам выклікалі ў польскае ведамства.
— Прадстаўнік беларускай дыпламатыі атрымаў недвухсэнсоўнае паведамленне аб тым, што дзеянні беларускіх уладаў супярэчаць міжнародным абавязацельствам Беларусі па абароне нацыянальных меншасцяў і двухбаковым польска-беларускім абавязацельствам па абароне польскай меншасці.
У МЗС зазначаюць, што дзейнасць Саюза палякаў у Беларусі накіраваная на культываванне польскай культуры і традыцый, падтрымку польскай адукацыі і вывучэнне польскай мовы. Арышт яго кіраўніка раўнацэнны выгнанню польскай ідэнтычнасці, наносіць удар па адносінам паміж краінамі і па традыцыйным беларускім мультыкультуралізме.
— Мы заклікаем як мага хутчэй вызваліць кіраўніка Саюза палякаў Беларусі і пакласці канец адвольнаму пераследу прадстаўнікоў польскай меншасці.
Анжаліку Борыс затрымалі ў аўторак вечарам у Горадні і даставілі ў РАУС. Затрыманне можа быць звязана са святкаваннем свята Казюкі ў Горадні.
-
У 7‑й спецбрыгадзе ўнутраных войскаў змянілі камандзіра і ідэолага — неўзабаве пасля праверкі боегатоўнасці
-
Латушка: Перамовы па Украіне могуць адкрыць магчымасці для Беларусі. Дэмсілы павінны быць за сталом
-
«Я хачу развеяць міф, што я вельмі моцны чалавек, проста танк, бо многія ведаюць мяне з 2020-га». Размова з Галінай Казіміроўскай аб перамозе над цяжкім дыягназам
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі1
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары