Siońnia adbyŭsia čarhovy aŭkcyjon pa prodažy hatovych kvateraŭ biez azdableńnia ŭ Minsku. Na aŭkcyjon byli vystaŭlenyja 32 kvatery – 8 dvuchpakajovych, 15 trochpakajovych, 9 čatyrochpakajovych. U Minsku i raniej naziraŭsia spad popytu na šmatmietravaje žyllo, tamu siońnia praz adsutnaść siarod łotaŭ adnapakajovych kvateraŭ patencyjnych pakupnikoŭ sabrałosia kala 30.
Pačatkovy košt mietra skłaŭ 890 dalaraŭ, i navat pry hetaj canie nie znajšłosia pakupnikoŭ na 5 trochpakajovych kvateraŭ, a z 4-pakajovak prydbali haspadaroŭ tolki 3 kvatery.
Siaredni košt mietra ŭ dvuchpakajoŭkach skłaŭ 1055 dalaraŭ (na 172 (!) dalary tańniej, čym na papiarednim aŭkcyjonie), adna z kvateraŭ była pradadzienaja pa košcie mienš čym 1000 dalaraŭ za mietr – 996,2. Vykłaŭšy ad 54,5 da 59, 7 tysiačaŭ dalaraŭ, pakupniki nabyvali kvatery ahulnaj płoščaj 55 kvadratnych mietraŭ.
Košt mietra ŭ pradadzienych trochpakajoŭkach skłaŭ 945,3 dalary, što na 148 (!) dalaraŭ tańniej, čym na papiarednim aŭkcyjonie.Vynikovy košt kvateraŭ ahulnaj płoščaj 70–75 kvadrataŭ vahaŭsia ad 66 da 75 tysiačaŭ dalaraŭ. Pakazalna toje, što, dadaŭšy ŭsiaho 6 tysiačaŭ dalaraŭ, pakupniki mahli zamiest dvuchpakajovaj kvatery nabyć trochpakajovuju z roźnicaj kala 15 mietraŭ.
0
0
0
0
0
0
