Google Maps pačnie nakiroŭvać na tyja maršruty, jakija, pa raźlikach dadatku, źjaŭlajucca najbolš ekałahičnymi.
Kampanija Google zajaviła, što dadatak budzie składać maršruty, jakija dazvolać kiroŭcam pakinuć jak maha mienšy vuhlarodny śled. Dla hetaha pošukavaja sistema budzie analizavać źviestki pra stan darožnaha ruchu, vykidy aŭtamabilaŭ i nachił daroh, paviedamlaje BBC.
Najbolš ekałahičny varyjant ruchu budzie pakazvacca pa zmoŭčańni, adnak hetu funkcyju možna budzie adklučyć. Kali alternatyŭnyja maršruty buduć chutčejšymi, to Google Maps pakaža i ich i prapanuje paraŭnać vuhlarodny vykid pa ŭsich maršrutach.
Funkcyja źjavicca ŭ dadatku ŭ kancy 2021 hoda ŭ ZŠA, a paśla budzie raspaŭsiudžvacca i na inšyja krainy.
Bolš za toje, u červieni Google pačnie papiaredžvać kiroŭcaŭ, kali jany buduć prajazdžać praz zony ź nizkim uzroŭniem vykidu. U takich zonach abmiežavanyja transpartnyja srodki, jakija mocna zabrudžvajuć navakolnaje asiarodździe, naprykład, dyzielnyja aŭtamabili. Takich zon stanovicca ŭsio bolš u jeŭrapiejskich krainach.
Kamientary