Google Maps пачне накіроўваць на тыя маршруты, якія, па разліках дадатку, з’яўляюцца найбольш экалагічнымі.
Кампанія Google заявіла, што дадатак будзе складаць маршруты, якія дазволяць кіроўцам пакінуць як мага меншы вугляродны след. Для гэтага пошукавая сістэма будзе аналізаваць звесткі пра стан дарожнага руху, выкіды аўтамабіляў і нахіл дарог, паведамляе BBC.
Найбольш экалагічны варыянт руху будзе паказвацца па змоўчанні, аднак гэту функцыю можна будзе адключыць. Калі альтэрнатыўныя маршруты будуць хутчэйшымі, то Google Maps пакажа і іх і прапануе параўнаць вугляродны выкід па ўсіх маршрутах.
Функцыя з’явіцца ў дадатку ў канцы 2021 года ў ЗША, а пасля будзе распаўсюджвацца і на іншыя краіны.
Больш за тое, у чэрвені Google пачне папярэджваць кіроўцаў, калі яны будуць праязджаць праз зоны з нізкім узроўнем выкіду. У такіх зонах абмежаваныя транспартныя сродкі, якія моцна забруджваюць навакольнае асяроддзе, напрыклад, дызельныя аўтамабілі. Такіх зон становіцца ўсё больш у еўрапейскіх краінах.
-
Назад да ручкі і забарона на смартфоны: універсітэты вымушаныя змяняць фармат заняткаў і кантрольных, інакш ШІ не дае ні вучыць, ні праверыць
-
Google запусціла Gemini 3.5 Transcribe для расшыфроўкі мовы. У спісе ёсць і беларуская
-
Цім Кук развітаўся з пасадай генеральнага дырэктара Apple пасля 15 гадоў кіраўніцтва
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»4
Каментары