Kult niejunactva: madeli plus age vyjduć na podyum na 20-m Biełaruskim tydni mody

Zadačy hałoŭnaj fashion-padziei zachoŭvajucca — pakazać patencyjał kreatyŭnych idej biełaruskich dyzajnieraŭ i dać start novym imionam u modzie. A voś farmat praviadzieńnia adaptujecca da novych patrabavańniaŭ i standartaŭ. Upieršyniu prezientacyi novych kalekcyj projduć anłajn i buduć dastupnyja ŭsim achvotnym da prahladu na sajcie bfw.by i na ekranie TRC Gallery Minsk. A ŭ pakazach buduć udzielničać madeli roznaha ŭzrostu, kamplekcyi i ŭzroŭniu padrychtoŭki, u tym liku pieramožcy konkursaŭ pryhažości roznych hadoŭ.

U apošnija hady centralnymi fihurami na podyumie stali ŭzrostavyja madeli. Zaraz kuciurje ŭsio čaściej robiać staŭki na pryhažuń 50 i navat 70+. Praciahłaść žyćcia va ŭsim śviecie pavialičvajecca, i sučasnaja moda prosta nie moža być aryjentavana tolki na pakaleńnie «pepsi». U pakazach na Biełaruskim tydni mody taksama buduć udzielničać madeli age plus.

«Darečy, Belarus Fashion Week zaŭsiody adroźnivałasia mabilnaściu i inavacyjnym padychodam da defile, — zaŭvažaje zasnavalnik i kiraŭnik Belarus Fashion Week Janina Hančarova. — Mnohija dyzajniery sami šukajuć dla demanstracyi madelaŭ, jakija bližej pa ŭzroście da patencyjnychpakupnikoŭ toj ci inšaj kalekcyi. Kab jany bačyli ŭ vobrazie damu ich uzrostu, rostu i kamplekcyi. Viadoma, kult maładości isnuje i siońnia. Ale ŭsio čaściej na podyumach možna ŭbačyć dahledžanych pryhažuń z pyšnymi formami i vysakarodnaj siviznoj.

Zaprašeńnie pradstavić biełaruskuju kalekcyju na podyumie atrymała i 57-hadovaja Taćciana Bredzieleva, pieramožca mižnarodnaha konkursu Ms. & Mrs. Top of the World Classic 2020. U madelinh jana pryjšła tolki paru hadoŭ tamu. Heta jaje čaćviorty vychad na podyum, i pieršy — na takim vysokim uzroŭni.

Pavialičyć

«Heta było niečakana. U minułym 19-m siezonie Belarus Fashion Week ja była hladačkaj, rabiła pieršyja kroki ŭ škole madelinhu i navat ujavić nie mahła, što ŭ nastupny raz mianie zaprosiać užo ŭ statusie ŭdzielnicy: tady kalekcyi pradstaŭlali tolki maładyja madeli. Pryjemna nazirać, što ŭzrostavyja stereatypy ŭ śviecie mody razburajucca i ŭ nas. Ja budu pradstaŭlać kalekcyju Viciebskaha dyzajniera Tamary Harydaviec. Jaje dyzajnierskija idei skiravany akurat na ŭzrostavych dam.

U 55 hadoŭ kožnaja žančyna imkniecca da kamfortu. Ale heta nie značyć, što pierastupiŭšy hetujuŭzrostavuju miažu treba adpraŭlacca ŭ kramu za niepryvabnymi artapiedyčnymi čaravikami i sukienkaj nižej kaleniaŭ. Maja fihura, 44 pamier, ład žyćcia i myśleńnia dazvalajuć mnie nasić lubyja ŭbory: ad kłasiki da irvanych džynsaŭ. Stylnaj i modnaj možna być u lubym uzroście. Choć, pryznacca, ja bolš saču za saboj, čym za modaj. Jak kazała Kako Šanel, «uzrost dla žančyny — nie samaje hałoŭnaje: možna być fantastyčnaj u 20 hadoŭ, čaroŭnaj u 40 i zastavacca nievierahodna pryvabnajda kanca dzion svaich».

Adnoj ź jarkich tem na Biełaruskim tydni mody stanie pakaz etyčnaj mody — kalekcyj, stvoranych z pryrodnych materyjałaŭ: bavoŭny, lonu, bambuka, šoŭku.

Dyzajnier Pavieł Kacevič pakaža novuju kalekcyju svajho brenda Key-to-art, stvoranuju z bavaŭnianych, vaŭnianych tkanin, a taksama vypracavanych z krapivy abo eŭkalipta. Brend Zanka pradstavić kalekcyju «Dumki» z naturalnaj pražy i tkanak z dadańniem pierapracavanych materyjałaŭ. «Jedu da tatki» — novyja pracy Taćciany Tur, dla jakich jana vybrała ziemlanyja adcieńni i naturalnyja tkaniny, kab raspavieści historyju pra ŭzajemasuviaź čałavieka i pryrody.

Taksama darosłyja madeli buduć pradstaŭleny ŭ kalekcyjach dyzajniera Taćciany Jafremavaj, a ŭ Volhi Barabanščykavaj vyjduć madeli z žyvocikami, bo Loverani stvaraje vopratku i dla ciažarnych. A na pakazie Davidova by Rexona buduć vystupać madeli-tynejdžary razam z maładymi dziaŭčatami. Uvohule, moda jak vonkava, tak i z punktu hledžańnia padačy modnych vobrazaŭ robicca adkaznaj uadnosinach da pakupnikoŭ.

Pavialičyć

Janina Hančarova nazvała hałoŭnaj asablivaściu hetaha siezonu toje, što ŭsie modnyja vobrazy, pradstaŭlenyja na podyumie, možna budzie nabyć u kramach i studyjach brendaŭ adrazu ž paśla pakazu.

«Siońnia ŭvieś śviet kaža, što praz pandemiju cikavaść da łakalnych vytvorcaŭ adzieńnia pavialičvajecca, i Biełaruś nie vyklučeńnie. Sacyjalna-aktyŭnaje pakaleńnie lubić i kuplaje adzieńnie miascovych aŭtaraŭ i brendaŭ, čyje imiony na słychu. Heta navat trend — apranacca ŭ made in Belarus i tranślavać u sacsietkach dumku, što heta aktualna. Nu a naviedvańnie modnaha pakazu stała adnym ź lubimych varyjantaŭ baŭleńnia času dla modnikaŭ», — adznačaje Janina.

• 0
• 0
• 0
• 0
• 0
• 0
• 0
• 0