Praŭki ŭ zakon ab adklučeńni internetu razhladajuć deputaty z ahrarnaj kamisii. Zdahadajciesia čamu
U zakon «Ab elektrasuviazi» źbirajucca ŭnieści papraŭki. Naprykład, uzakonić adklučeńnie internetu pa rašeńni AAC (apieratary suviazi pry hetym nie abaviazany buduć kampiensavać straty karystalnikam). 2 krasavika deputaty pryniali papraŭki ŭ pieršym čytańni.
Cikava, što zakonaprajekt znachodzicca na razhladzie ŭ kamisii pa… ahrarnaj palitycy. Adkazny deputat, Mikałaj Šaŭčuk, — były staršynia Połackaha rajvykankama. Da taho jak stać čynoŭnikam, jon pracavaŭ zahadčykam mašynnaha dvara, hałoŭnym inžynieram, dyrektaram saŭhasa.
Raniej heta kamisija razhladała zakony, jakija jakraz adpaviadajuć jaje kirunku, — pra sielekcyju i nasieńniavodstva sielskahaspadarčych raślin, vieterynarnuju dziejnaść. Čamu ž pytańni elektrasuviazi daručyli ahrarnikam?
«U nas časam traplajucca takija paradaksalnyja rečy. Heta abumoŭlena tym, kab bolš-mienš raŭnamierna pa kamisijach raźmiarkoŭvać zakonaprajekty. A to byvajuć pierakosy — u adnoj kamisii 10-15 zakonaprajektaŭ, a ŭ inšaj zusim ničoha niama, — patłumačyli ŭ pres-słužbie Pałaty pradstaŭnikoŭ Nacyjanalnaha schodu.
— Choć u kožnaj kamisii i jość svaje kampietencyi, u pryncypie luby deputat pavinien pracavać adnolkava nad lubym zakonam. Tamu nie abaviazkova, kab raźmierkavańnie zakonaŭ dakładna adpaviadała najmieńniu kamisii. Asabliva časta takoje byvaje z zakonami ab ratyfikacyi damoŭ».
U pres-słužbie dadali, što mnohija papraŭki ŭ zakon raspracoŭvalisia daŭno, i hetym zajmaŭsia inšy błok deputataŭ — adkaznych za pramysłovaść, paliŭna-enierhietyčny kompleks, transpart i suviaź.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Šalona papularnaja minskaja błohierka patraciła na śviatkavańnie dnia naradžeńnia amal $16 tysiač16
Kamientary