Čytajcie:
Staršynia BSDP Barysaŭ vyjšaŭ paśla 15 sutak: Na Akreścina ludziej truciać chlorkaj, u kamiery Kazłova ŭ chłopcaŭ byli apioki
«U Žodzinie adviali ŭ dušavuju i stali dubasić. A pry vyzvaleńni milicyjanier skazaŭ: «Davajcie jamu dubinku ŭ sraku zasuniem»
«Ad ranicy kamieru zalili chłorkaj. Ciapier tam robiać tak kožnuju ranicu». Pradprymalnik raskazaŭ, jak jaho 15 sutak łamali
Ci buduć niejak na hetyja fakty reahavać deputaty? Što jany dumajuć pra takija mietady «pieravychavańnia»?
«Naša Niva» dazvaniłasia da deputata Ivana Mamajki, byłoha načalnika staŭbcoŭskaj milicyi.
Fota Nadziei Bužan
«Da mianie nichto asabista nie źviartaŭsia pa hetym pytańni, — kaža Mamajka. — Z tym, što chvaluje maju akruhu, ja starajusia raźbiracca. Prasili, naprykład, adreahavać na vypadak, kali čałaviek nibyta pamior ad pabojaŭ. Pra heta pisali ŭ telehram-kanałach. Stali raźbiracca — akazałasia fejk.
Tamu ja davoli aściarožna padychodžu da ŭsich takich zvarotaŭ. Kali jość vypadak, pavinny ž być niejkija śviedčańni — zajava čałavieka, miedycynski ahlad, — tamu što cialesnyja paškodžańni tak prosta nie sychodziać, — rašeńnie ekśpiertyzy pra toje, jak hetyja paškodžańni byli atrymanyja. Vy ž razumiejecie, što jość kryminalna-pravavyja pytańni, jakija adnosiacca da kampietencyi peŭnych orhanaŭ.
My ŭsie pavinny pracavać u peŭnym pravavym poli. Jość normy, u jakim razie prymianiajecca fizičnaja siła ci śpiecyjalnyja srodki. Kali heta prymianieńnie vychodzić za pravavoje pole, pavinna davacca acenka. Ale ŭsio pavinna być u ramkach zakona. Kali vychodzić za jaho ci z adnaho, ci z druhoha boku, heta pryviadzie da chaosu. A ŭ lubym hramadstvie chaos niedapuščalny».
Ivan Mamajka dadaŭ, što źviartacca da deputataŭ možna padčas pryjomu hramadzian ci pramoj telefonnaj linii, taksama možna adpraŭlać zvaroty praz elektronnuju poštu — adrasy jość na sajcie Pałaty pradstaŭnikoŭ.
